O prazo para presentar as solicitudes será do 19 de maio ao 22 de xuño.

As consultas atenderanse por teléfono (881880237) ou por correo electrónico (ceip.vales.villamarin@edu.xunta.gal).

Para realizar o trámite presencialmente será necesario solicitar cita no mesmo teléfono (881880237).

Para ver o resumo de toda a información, prema AQUÍ.

Para consultar a Orde do DOG, prema AQUÍ.

Se quere descargar o modelo de solicitude, prema AQUÍ.

Tipo de axuda:

Educación Infantil: Discapacidade, Trastorno grave de conduta ou da comunicación e da linguaxe, Trastorno do espectro autista.

Educación Primaria: Discapacidade, Trastorno grave de conduta ou da comunicación e da linguaxe, Trastorno do espectro autista, Altas Capacidades.

Prazo:

Desde o 19 de maio ata o 30 de setembro de 2022.

Pode ver a información completa:

https://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/primaria-secundaria/necesidad-especifica-apoyo-educativo.html

https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

Alumnado de 2º E. Primaria, dentro do Plan Proxecta, co Programa "Aliméntate ben" celebraron o Día da Boa Alimentación cun almorzo saudable con produtos naturais: leite, pan, froita fresca...

PREMEDE NA IMAXE!

O Concello de Betanzos presentou, hai uns días, este xogo para dar a coñecer o patrimonio histórico e cultural betanceiro entre os máis pequenos! Rapazada de 3º e 5º de Primaria xogaron con Elena, persoal de Turismo do Concello, pasárono xenial!!!

Grazas á colaboración entre o Cole e a FAXPXA, as nenas e nenos de Infantil tiveron a sorte de gozar dunhas xornadas de Contacontos en Lingua de Signos. A actividade consistiu en dous contos: "Brancaneves" e "Ra de 3 ollos", contados en LSE e traducidos á lingua oral por un intérprete de LSE. Os peques aprenderon, ademais, signos relacionados con eses contos.

Publicada a LISTA DEFINITIVA DE ALUMNADO DE NOVA INCORPORACIÓN ADMITIDO para o curso 2022-2023.  

Poden consultar a lista telefónicamente ou por correo electrónico. 

Se precisan consultar a lista no colexio, estará exposta no interior do edificio de Primaria, diante de Secretaría.

Alumnado de 6º de primaria, achegouse ao parque eólico de Sotavento, no Concello de Xermade, provincia de Lugo, concretamente en na Serra da Loba, onde a fundación Sotavento Galicia converteuse nos últimos anos nun referente na divulgación e educación enerxética.

Levan traballando dous cursos en proxectos de coñecemento e respecto polo medio ambiente e, de forma amena, coñeceron as fontes de enerxía renovables, a aposta pola eficiencia, o aforro e a súa influenza na problemática ambiente.

Reflexionaron sobre como optimizar os elementos que a diario conviven con nós (electricidade, calefacción, consumo de auga, ...), reflexionaron sobre como aforrar sen variar o noso modo de actuar, unicamente tomando as decisións adecuadas nos momentos precisos: como illar unha vivenda, a orientación, os tipos de calefacción, a elección dos electrodomésticos, canto consume cada electrodoméstico ou a elección das lámpadas adecuadas, vantaxes e contras, ademais de como reducir o consumo cunhas simples pautas, fai a visita máis que interesante.

Facía tanto tempo que non saían de excursión que gozaron dunha mañá de exposición, dun chocolate quente nunha cociña solar e dunha comida sentados na herba!!!!

As compañeiras de Infantil, Irene e Ana, visitaron algunhas clases de Primaria para explicarlles aos nenos e ás nenas en que consiste a lingua de signos. Por medio de divertidos xogos aprenderon algúns signos para poder comunicarse coas persoas xordas.

Alumnado de 2º, 4º e 6º de Primaria recibiron charlas sobre Educación Vial. Policías Locais do Concello visitaron o cole para ensinarlles aos nenos e ás nenas como hai que circular polas rúas e beirarrúas. Nunha primeira sesión recibiron os contidos "teóricos" na clase e noutra sesión práctica no pavillón do centro onde demostraron todo o que aprenderon.

As nenas e nenos de 3º de E.Primaria visitaron, cos seus profes, a Praia da Ponte do Porco. Alí o betanceiro Francisco Martínez "Pin"ensinoulles como recoller residuos e transformalos en arte.

A rapazada estivo a recoller material para, despois na clase, crear as súas obras de arte. Tamén aproveitaron para recoller o lixo que atoparon na praia.