Premendo na imaxe, pode ver no listado se lles foi concedida a axuda de libros de texto, a axuda de material ou o Fondolibros, segundo o nivel de Primaria que vai cursar o/a seu/súa fillo/a o curso 2022-2023.

Para iso, ten que localizar o nivel e o código que lle foi asignado cando realizaou a solicitude (está na fotocopia da solicitude que lle foi entregada).

A lista PROVISIONAL de Fondolibros para 3º e 4º de Primaria foi publicada o mércores, 06-07-2022 e a lista DEFINITIVA (indicando cales son os libros concedidos) será publicada o luns, 11-07-2022. Os libros serán entregados en setembro.

Os vales de libros de texto e os vales de material concedidos, serán entregados entre o 11 e o 15 de xullo, previa cita telefónica no 881880237. Terá que recollelos a persoa solicitante ou persoa debidamente autorizada por ela por escrito.

Atopouse un erro na lista de libros de texto para o curso 22-23 publicada o día 15-06-22.

En concreto, no libro de Matemáticas de 1º de Primaria o ISBN non era o correcto.

Para ver a lista ACTUALIZADA, prema na imaxe.

                                                                                                UN PASO ADIANTE, ATA SEMPRE!

Para ver o vídeo da despedida, prema na imaxe

E… por fin chegou o día  da vosa festa tan merecidaaaaa!!!!!

Agardamos de todo corazón que o voso paso por Primaria sexa tan feliz e produtivo como o foi en INFANTIL.

Deixade voar a vosa imaxinación,  que aquí,  no VALES,  ensinamos co corazón.

Feliz verán e unha vez máis GRAZASSSS e ata sempre.

Para ver a presentación, prema na imaxe.

E así, case sen que nos deramos conta, entre tantas actividades e emocións, chegamos a fin de curso.

Non queremos que votedes en falta as vosas lecturas favoritas e, por iso, igual que preparamos a roupa que queremos levar cando marchamos de vacacións, o equipo da biblioteca preparouvos unha MALETA CHEA DE LIBROS para que escollades cales preferides colocar entre os imprescindibles para levar.

BO VERÁN E MELLORES LECTUAS!

Para ver a información prema na imaxe.

O prazo para formalizar a matrícula para o alumnado que se incorpora no curso 2022-2023 ao colexio será do 20 ao 30 de xuño.

É necesario solicitar cita no número 881880237 ou no correo electrónico ceip.vales.villamarin@edu.xunta.gal

1. Información sobre a matrícula.

2. Anexo III (Solicitude de Matrícula).

3. Documento de lingua materna (só para 4º de infantil).

Se non se entregou ao facer a solicitude:

4. Autorización de matrícula.

5. Solicitude de Transporte Escolar..

6. Solicitude de Transporte Escolar Excepcional.

Documentos de interese para o alumnado de 4º de infantil:

7. A entrada na escola.

8. Empeza o cole!

Información para as familias  do alumnado de 6º de Primaria que van a seguir os seus estudos no IES Francisco Aguiar o próximo curso.

Para ver a información sobre o Banco de Libros da ANPA O Carregal do IES Francisco Aguiar, prema na imaxe.

Estas semanas tivemos a sorte de poder gozar con varios concertos para a rapazada de infantil e de primaria. Por unha banda, o Concello organizou un concerto co músico Pablo Díaz, onde nenos e nenas de infantil, 1º e 2º de Primaria cantaron e bailaron ao son das súas cancións. Pola outra, nenos e nenas do Conservatorio Municipal do Concello interpretaron, xunto cos seus profes, algunhas cancións para o público de 2º de Primaria.

Para conmemorar o Día das Letras Galegas e ao escritor homenaxeado este ano, no cole, ademais de distintas actividades nas aulas para coñecer a figura de Florencio Delgado Gurriarán, tivemos a sorte de poder disfrutar cun pequeno festival.

Nenas e nenos, tanto de infantil coma de Primaria, xunto cos profes, gozaron dos bailes dos grupos do Entroido de Samede e dos Mariñeiros de Betanzos. Para rematar o Festival, todos xuntos bailamos Terra, das Tanxugueiras. Pasámolo xenial!!

PREMEDE NA IMAXE!!

BAILE TERRA INFANTIL