Esta información vai dirixida ás familias do alumnado de 6º de primaria do CEIP Vales Villamarín, que durante este curso 2022/23 foron socias da Anpa Brigantium e que para o vindeiro curso, teñen pensado seguir estudando no IES Francisco Aguiar.

A Anpa O Carregal (Anpa do IES Francisco Aguiar) xestiona un Banco de libros propio, se estades interesados en participar no mesmo para o curso 2023/24 deberedes facer o seguinte:

• Cubrir a ficha de inscrición que atoparedes no seguinte enlace da nosa páxina web Asóciate | Anpa O Carregal (sistemas6871.wixsite.com) (é moi importante que cubrades os datos do correo electrónico e do teléfono porque será a forma de comunicarnos con vos)
• Ter pagada a cota de socia da Anpa Brigantium do curso 2022/23.
• Facer o pago da Anpa O Carregal para o curso 2023/24.
• Enviar a ficha de inscrición cuberta e os 2 xustificantes de pago por correo electrónico a info@anpaocarregal.org antes do 9 de xullo do 2023.

Despois dese día debedes estar atentos/as porque PRONTO vos enviaremos a ficha para que solicitedes os libros que precisedes, xa que o reparto dos mesmos farase a finais de xullo.  

Para calquera dúbida, podedes poñervos en contacto con nós a través do mesmo correo electrónico ou do teléfono 604 03 98 67.

Os nenos e nenas de 4ºC estiveron a investigar sobre as Comunidades Autónomas para preparar unhas vacacións por España. Imos con eles de viaxe?

PREMEDE NA IMAXE!

A rapazada de 2º, 4º e 6º de Primaria asistiu a varias xornadas de Educación Viaria. As sesións foron impartidas pola Policía Local de Betanzos. As primeiras xornadas consistiron en clases "teóricas" e as segundas sesións foron prácticas, onde as nenas e os nenos demostraron todo o que aprenderan. Botádelle unha ollada ao vídeo!

O Servizo de Comedor Escolar do CEIP Francisco Vales Villamarín  acaba de pasar unha auditoría interna cunha puntuación de sobresaliente (97,79 sobre 100) o que o sitúa na parte máis alta da clasificación en comedores escolares ( comedor azul).

PARABÉNS

Dentro da programación das Letras Galegas, os nenos e as nenas de 1º de Primaria asistiron a un contacontos da man de Caxoto, da compañía A Trastenda dos Contos, para coñececer un pouco máis a vida e a obra de Francisco Fernández del Riego.

A rapazada de 4º de Primaria visitou as instalacións de Córax, onde aprenderon un montón de cousas sobre os animais.

PREMEDE NA IMAXE

As Xubivales, antigas mestras do cole, volven a Infantil para interpretar unha nova obra de teatro titulada "A cabuxa do cebolar". O espectáculo estivo acompañado por unha intérprete de linguaxe de signos.

Clicade na imaxe para ver un pouquiño do espectáculo!!

Os nenos e nenas de 6ºB de Infantil estan feitos uns actores e actrices fantásticos!! Representaron a obra de teatro "Unha vella tiña un can" para as súas familias e os seus compis de infantil. Premede na imaxe e veredes!!

UNHA VEZ MÁIS, impresionante a resposta solidaria da Comunidade Educativa do CEIP Francisco Vales Villamarín.

MOITÍSIMAS GRAZAS!!

Podedes ver algúns momentos da andaina PREMENDO NA IMAXE.

Estes días estivemos coñecendo a figura de Francisco Fernández del Riego, autor homenaxeado este ano no día das Letras Galegas. Fixemos unha chea de actividades, aquí vos deixamos unha pequena mostra...

PREMEDE NA IMAXE

Non deixedes de visitar o blogue de dinamización da lingua para coñecer máis cousas sobre Don Paco!