3º e 4º.

O mércores 24 de maio as alumnas e alumnos de cuarto xunto coas de sexto asistimos a unha sesión de dinamización da lectura baseada no libro de Anxo Iglesias "Unha nova dimensión", libro merecente do Premio Merlín de Literatura Infantil do ano 2022.

O autor ofreceunos unha fantástica sesión que nos axudou a achegarnos a poesía dun xeito lúdico e imaxinativo.

Tal e como se describe a partir do concepto xeométrico de dimensión artéllase este delicioso libro de poemas onde prima a compoñente lúdica e imaxinativa que conecta directamente co mundo da infancia. A poesía entendida como xogo. A poesía entendida como fonte de diversión. A poesía reivindicada, ademais, como unha dimensión con entidade propia. Ler «Unha nova dimensión» é asistir a un festival de creatividade. É un estímulo para a imaxinación!

Moitas grazas Anxo pola túa dispoñibilidade e por esta fantástica sesión, axúdanos moito a adquiri Unha Nova Dimensión da poesía.  

Un ano máis dispuxémonos a conmemorar unha data tan sinalada no noso calendario: o Magosto. E para elo fixemos a Andaina da Castaña. Se premes na seguinte imaxe poderás ver un vídeo. Agardamos que vos guste.

O venres 4 de xuño as alumnas e alumnos de cuarto de Primaria participamos dun club de lectura con Ánxela Loureiro. Trátase da autora de, entre outros libros, o que leva por título "Choiva de ras". Desfrutamos moito coa súa lectura e máis aínda coa posibilidade de compartir con ela este momento.

Resultounos emocionante descubrir como foi a creación do relato baseado na aventura levada a cabo por RaMona e moi interesante saber cales foron as fontes inspiradoras da autora.

Non deixedes de ler esta trepidante aventura.

O martes 16 de marzo as alumnas e alumnos de cuarto de Primaria fixemos unha visita á Fervenza de Río Pequeno. Foi unha andaina de preto de 8 km de ida e volta mais pagou a pena. Alí nos atopamos cun espazo natural precioso que cómpre coidar e respectar. Serviunos para traballar os diferentes cursos dun río e todo o relacionado co tema.

Animámosvos a seguir respectando estes espazos naturais que temos na nosa contorna. Xa que desfrutamos deles cando os visitamos debemos mantelos para que outras persoas poidan ter as mesmas sensacións. E sobre todo descubrimos que son espazos vivos, poboados por diferenes especies que precisan deles para sobrevivir.

Axudádenos a coidalos.

Logo do desenvolvemento da charla impartida pola Dra. Sonia Villapol Salgado recibimos moitos parabéns e mostras de agradecemento. Supoñía un reto tratar de recoller en poucas palabras todo o que nos foi chegando, polo que decidimos facer a montaxe de vídeo que a continuación vos presentamos. Sen dúbida non están todas as que son mais son ben sentidas todas as que están e son un reflexo da nosa gratitude.