Samaín

CHEGA O SAMAÍN

Xov, 10/24/2024 - 14:00 — mil

É TEMPO DE SAMAÍN

Co 31 de outubro chega o aninovo celta e con el a transición do verán cara o inverno. Esta data está moi relacionada co mundo dos mortos. Os celtas crían que esa noite se abría unha porta e o mundo dos vivos quedaba en comunicación do mundo dos mortos, polo menos, durante unhas horas. Dita tradición calou fondo na nosa cultura.

Proseguindo o seu legado, convidámosvos a manter a actividade que vimos facendo para conmemorar esta festa nosa:

1. Escolle unha cabaza ou un nabo dun tamaño manexable e facilmente transportable (preferentemente nunha bolsa na que poidas traela e levala de volta para a casa).

2. Decora sen empregar para elo materiais que sexa preciso recuperar.

3. Tráenola ao cole o LUNS 28 para facer a exposición. (Aquelas que presenten bo estado enviarémolas de volta para casa o MÉRCORES 30)

Na nosa páxina web tedes máis información que pode resultar de interese.

Moitas grazas pola vosa colaboración.

EDLG

1 adxunto

MONSTROS MARIÑOS

Xov, 10/26/2023 - 10:05 — Anónimo

"Nos vastos e misteriosos océanos existe un mundo cheo de segredos, tesouros e marabillas por descubrir. Dende tempos inmemoriais os mares foron fogar de innumerables lendas e misterios que intrigaron a mariñeiros e aventureiros..."

Velaquí un pequeno fragmento da carta que chegou ás nosas aulas a través dunha pirata. Un escrito que solicitaba a axuda a todo o alumnado para poder facerse co maior número posible de historias e debuxos monstruosos e lograr que o segredo das profundidades do mar non caian no esquecemento e sexan transmitidas de xeración en xeración.

Para poder ver todo o noso traballo, preme no seguinte enlace "Amar o mar".

Ademais, tamén vos deixamos un pequeno vídeo que serviu de inspiración para as nosas creacións.

CHEGOU O CICLO DO INVERNO. CHEGOU A FESTA DAS CABAZAS.

Dom, 11/06/2022 - 09:29 — netguillerm

Un ano máis velaquí tedes unha pequena vídeomontaxe coas cabazas que trouxestes. Moitos parabéns e moitas grazas pola vosa paticipación. Agardamos que teñades un moi bo paso polo ciclo de Inverno. Para ver a montaxe non tedes máis que premer na imaxe.

O SAMAÍN EN DONAS

Lun, 10/25/2021 - 12:14 — netguillerm

SAMAÍN 2021 EN DONAS

Chega o outono. Tempo de castañas, noces, vento, follas secas e días escuros. É o tempo de recoller o millo e as cabazas. É tempo en que a rapazada fai as caveiras na cortiza das cabazas seguindo unha antiga tradición. É tempo de... SAMAÍN!

"Nin as bruxas, nin os demos ou zombis pintan nada no imaxinario desta festa, todo o máis as pantasmas coa cara tapada ou emborrallada como no magosto, festa que, por certo, ten bastante proximidade con esta. E dende logo nada de morcegos, arañas, bufos, ou outros animais semellantes, respectados no rural polos seus beneficios e satanizados... no Halloween." www.blogofiadeiro.blogspot.com

Convidámosvos a recuperar a actividade que viñamos facendo para conmemorar esta nosa festa:

1. Escolle un cabaza dun tamaño manexable e facilmente transportable.

2. Decora a túa cabaza, non empregues para elo materiais que sexa preciso recuperar.

3. Tráenola ao cole o mércores 27 para facermos a exposición.

Aquí vos deixamos a ligazón a un traballiño feito por varios coles coa aplicación Genially que nos achega a un mellor coñecemento sobre as orixes desta festa. Agradamos que vos guste.

Lun, 11/02/2020 - 08:54 — netguillerm

Este ano por mor das especiais condicións nas que se está a desenvolver o curso non foi posible que as cabazas do Samaín se apoderaran do nós. Pola contra, aquí tedes unha boa mostra de como esta data segue a engaiolarnos. Accede tamén a esta fotomontaxe.

Moitísimas grazas, familias, pola vosa colaboración!