Novas

QUERES SABER ALGO MÁIS DA ORIXE DA NOSA LINGUA?

A comunidade educativa do CPI Santa Lucía participou nunha curtametraxe de ficción que nos achega a resposta.

A cinta baséase nunha idea orixinal da académica Fina Casalderrey, que asina o guión coa profesora de galego Fátima R. Ruibal. A docente do IES Antón Alonso Ríos (Tomiño) é ademais a mestra-meiga que protagoniza esta película canda as verdadeiras estrelas da produción: os nenos e as nenas do CPI Santa Lucía  que se converteron en actores e actrices para a ocasión. Todo o equipo, baixo a batuta de Damián Varela na dirección, traballou arreo durante a pasada primavera nesta historia na que realidade e fantasía se entretecen para explicarlle ao público novo como se foi formando ao longo dos séculos o galego.

A rodaxe tivo lugar no propio centro educativo e na Casa do Pardiñeiro, tamén en Moraña, e executouse co apoio económico converteron da Deputación da Coruña, patrocinadora de Primavera das Letras.

Preme na seguinte imaxe si queres ver a curtametraxe.

Dende o EDLG do cole andamos argallando unha actividade sobre un peculiar veciño que nos visita todas as primaveras: o cuco. Consiste na recollida do seu canto nun deses magníficos paseos que sabemos que facedes pola fermosa contorna natural que temos. Seredes quen de gravalo e incluso de sacarlle unha foto? Si é así animámosvos a enviar a seguinte información á dirección de correo que vos achegamos:

• Nome da alumna ou alumno
• Lugar no que o escoitei (barrio, aldea e parroquia)
• Data e hora na que o escoitei.
• Audio e/ou foto.

edlgsoutodonas@gmail.com

Tamén podedes empregar o seguinte formulario si vos resulta máis cómodo.

Logo de recollida a información, identificaremos o lugar nun mapa do concello de Gondomar, con todas as súas parroquias, situado nas escaleiras interiores do centro.

PREMIO.

Velaquí temos o primeiro explorador que deu co CUCO. Parabéns a Aitor de segundo de primaria por atopalo. Disque xa hai uns días que anda pola Portavedra.

Vídeo de Aitor.

Tamén Olivia de quinto de primaria o escoitou en Pinzás e aquí nos envía testemuño delo. Moitas grazas.

Audio de Olivia.

Tamén Nicolás de terceiro de primaria se achegou a San Cibrán a escoitalo. Moitas grazas por achegarnos este vídeo.

Vídeo de Nicolás.

Ivo de infantil tamén o escoitou, desta volta lonxe dos límites do noso concello. Moitas grazas.

Vídeo de Ivo.

Tamén Clara de sexto de infantil e Eloy de terceiro de primaria quixeron participar, mais desta volta non acharon ao cuco pero si a unha boa compañeira a bubela. Moitas grazas por participar.

Vídeo de Clara e Eloy.

Chéganos unha nova gravación feita por Nicolás de primeiro de Primaria. Recolleuna o saábado 16 de abril ás 12:00 na serra do Galiñeiro, moitos parabéns e graciñas por participar.

Audio de Nicolás.

A Fundación Rosalía de Castro convocou a diversas entidades culturais e educativas relacionadas co Día de Rosalía para acordaren que as celebracións deste aniversario pasen a ter lugar desde este 2022 o día 23 de febreiro e non o 24 como acontecía ata agora, logo do recente descubrimento por parte da investigadora Sagrario Abelleira que corrixiu a data de nacemento da autora.

Logo deste acordo, convidámosvos a atender a chamada da Fundación Rosalía de Castro para celebrar o Día de Rosalía, desta volta o 23 de febreiro, lendo os seus textos, cunha Alborada de Rosalía e facendo un Caldo de Gloria, iniciativa inspirada no poema “Miña casiña, meu lar” na que a poeta explica como facer un caldo humilde e no que se relata a épica diaria da supervivencia.

UNIDADES DIDÁCTICAS

ACTIVIDADES INTERACTIVAS

 ROSALÍA PEQUENIÑA

Rosalía Pequeniña é o título dun libro-disco de Uxía. Maio longo, Como chove miudiño, Has de cantar, Paseniño, Miña santiña, miña santasa ou Alborada son algúns dos poemas rosalianos que se recollen neste libro que está na nosa biblioteca.

Aquí tedes unha versión musicada do poema "O moucho", que podedes escoitar premendo aquí.

Tamén deixamos o acceso a un genially, elaborado polo EDLG de varios centros, onde ademais de aprender datos sobre a vida e obra de Rosalía tamén tedes actividades interactivas.

Asemade o  Equipo de Dinamización Lingüística do Colexio San Pío X (Ourense) quixeron compartir connosco un recurso que elaboraron para aproximarnos á vida da escritora. Non deixedes de visitalo a través desta ligazón.

Os centros de educación infantil e primaria Manuel Mallo Mallo (Lugo), do Carballal (Marín) e noso cole somos os gañadores do concurso Contádenos o voso Día das Letras, convocado pola Real Academia Galega a través do proxecto dixital Primavera das Letras, que fornece a comunidade educativa de infantil e primaria de recursos para profundar na figura á que a institución rende homenaxe cada 17 de maio. A edición dedicada á celebración escolar das Letras de Xela Arias contou coa participación de 125 centros de toda Galicia.

Os tres colexios gañadores seremos agasallados cun lote de libros e todos os participantes recibiremos un diploma acreditativo.

Desde o noso centro queremos dar os parabéns a todos os centros participantes. Atopamos moi bos traballos merecentes do galardón, desta volta tocounos a nós, polo que estamos moi agradecidas á Real Academia Galega.

SAMAÍN 2021 EN DONAS

Chega o outono. Tempo de castañas, noces, vento, follas secas e días escuros. É  o tempo de recoller o millo e as cabazas. É tempo en que a rapazada fai as caveiras na cortiza das cabazas seguindo unha antiga tradición. É tempo de... SAMAÍN!

"Nin as bruxas, nin os demos ou zombis pintan nada no imaxinario desta festa, todo o máis as pantasmas coa cara tapada ou emborrallada como no magosto, festa que, por certo, ten bastante proximidade con esta. E dende logo nada de morcegos, arañas, bufos, ou outros animais semellantes, respectados no rural polos seus beneficios e satanizados... no Halloween." www.blogofiadeiro.blogspot.com

Convidámosvos a recuperar a actividade que viñamos facendo para conmemorar esta nosa festa:

1. Escolle un cabaza dun tamaño manexable e facilmente transportable.

2. Decora a túa cabaza, non empregues para elo materiais que sexa preciso recuperar.

3. Tráenola ao cole o mércores 27 para facermos a exposición.

Aquí vos deixamos a ligazón a un traballiño feito por varios coles coa aplicación Genially que nos achega a un mellor coñecemento sobre as orixes desta festa. Agradamos que vos guste.