CEIP Plurilingüe As Solanas - Nicolás Gutiérrez Campo | Por un ensino público e de calidade

Menú de Marzo 2022

Mér, 03/02/2022 - 17:21 — Fabiola

1 adxunto

Prazo de admisión para o curso 2022-2023

Ven, 02/25/2022 - 14:31 — Fabiola

APERTURA DO PRAZO PARA SOLICITAR PRAZA EN SOLANAS

Dende o 1 de marzo ata o 20 de marzo permanecerá aberto o prazo de solicitude de admisión nos centros escolares para o próximo curso 2022-2023. O calendario do procedemento de admisión e matricula está establecido na Orde do 12 de marzo de 2013.

PRAZO DE ADMISIÓN: do 1 ao 20 de marzo

DIRIXIDO A:

Alumnado que entra por primeira vez no sistema educativo (maioritariamente en 4º curso de Educación Infantil).
Alumnado que quere cambiar de centro escolar, sempre que existan prazas dispoñibles.

COMO PRESENTAR A SOLICITUDE:

A partires do 1 de marzo vía telemática. Os trámites poderán realizarse na aplicación informática: https://www.edu.xunta.es/admisionalumnado
A partires do xoves 3 de marzo modo presencial nos centros escolares

VÍA TELEMÁTICAwww.edu.xunta.es/admisionalumnado

Esta ferramenta posibilita aos proxenitores cubrir a solicitude na aplicación e presentala de forma presencial no centro ou por vía electrónica.

As familias poderán consultar o estado de tramitación da solicitude nas distintas fases do procedemento empregando o código que xera a aplicación ao cubrir a solicitude.

MODO PRESENCIAL

Acudir ao centro educativo, pedir en secretaría a solicitude, cubrila e nós a tramitamos.

Unha vez pechado o prazo de solicitudes, as listas provisionais de admitidos e excluídos publicaranse o día 25 de abril, as definitivas antes do 15 de maio e os prazos de formalización de matrícula serán do 20 ao 30 de xuño para os alumnos de Infantil e Primaria.

Documentación (Recordamosvos que podedes descargar o documento en pdf na marxe superior dereita)

Área de influencia:

Vacantes:

Calendario do proceso de admisión:

Documentación:

Solicitudes de admisión:

Tríptico de información:

6 adxuntos

Programa de Radio Treboada 25-febreiro-2022

Ven, 02/25/2022 - 10:14 — Fabiola

E aquí está de novo... RADIO TREBOADA!!
Desta vez, un programa adicado en exclusiva a Rosalía de Castro.
Non queríamos celebrar esta conmemoración nun único día (o 23 de febreiro), senón que decidimos traballar esta gran figura galega, creando como produto final este programa!
Coma sempre, cheo de información de interese, pero que desta vez incorpora unha entrevista moi especial e, sobre todo, uns novos (MOI NOVXS) participantes: os nenxs de primeiro de primaria!!!
Escoitádenos dándolle ao "play"!
Desexámosvos un bo entroido e... despois dun merecido descanso, emitiremos o próximo programa o 11 de marzo! E xa temos temática! Adiviñádela??
Ata a próxima treboeiros/as!

ENTROIDO 2022

Mér, 02/23/2022 - 12:48 — Iris

DIRECTRICES DE HARRY POTTER

LUNS: “Se en Hogwarts queredes entrar… un gorro de mago na testa debedes levar”

MARTES: “Por se dos mestr@s vos tedes que esconder, unha capa máxica teredes que traer!”

MÉRCORES: “ Para uns bos feitizos poder facer, da túa varita, non te debes esquecer!”

XOVES: “Podes vir da personaxe máxica que mais che guste a ti!”

VENRES: “Hoxe coa túa maxia deberás sorprender, escollendo libremente en que te vas a converter!”

Para rematar o Entroido 2022, tivemos xogos de mesa e xogo ao aire libre.

6 adxuntos

DÍA DE ROSALÍA: 23FEBREIRO

Mér, 02/23/2022 - 12:47 — Iris

Rosalía de Castro foi unha escritora galega que potenciou e valorizou a literatura no idioma galego.

O equipo de Dinamización da Lingua Galega invitou a todo o alumnado a participar na conmemoración do seu nacemento cunha serie de actividades; careta coa cara de Rosalía e audición do poema "Resposta a Rosalía" (Galicia Infida-Florencio Delgado Gurriaran).

Ademáis o Concello de A Guarda invitou ao alumnado de 3º e 4º de primaria a "Rosalía cantareira" coa musicalización de poemas de Rosalía coa artista Irene Silva, quen rematou a súa visita no noso colexio cunha entrevista en Radio Treboada polo alumnado de 4ºB.

Lectura dun poema a Rosalía de Castro polo alumnado de primaria na hora de ler.

Obradoiro "Rosalía Cantareira" polo alumnado de 3º e 4º de educación primaria

3 adxuntos

DIA DA LINGUA MATERNA: 21 DE FEBREIRO

Lun, 02/21/2022 - 14:23 — Iris

O día da Lingua Materna ten como obxecitvo promover o plurilingüísmo e a diversidade cultural.

Solanas únese a esta celebración dende o seu equipo de Dinamización Lingüística para promover a transmisión da lingua galega.

O alumnado e profesorado do colexio pon nas súas linguas a reinvindicación da lingua galega como ferramenta para abrir ao mundo parte das súas raíces.

1 adxunto

Programa de Radio Treboada 18 de febreiro 2022

Xov, 02/17/2022 - 22:34 — Fabiola

É venres e... xa volveu! Xa está aquí de novo! Xa se poden escoitar os tronos! Xa volve ás ondas... RADIO TREBOADA!!

Un programa cheo de información interesante...?
NON!
Un programa cheo de información... SÚPER, MEGA, EXTRA, HIPER...INTERESANTEEEE!

Agardamos que vos guste!
Adiante programa!

(E ata o próximo venres!!)

PD.: Moitísimas grazas pola visita e formación que nos deu Luís Pardo, locutor da Cadena SER de Santiago. Foi una auténtica pasada! Oxalá nos visites de novo!

1 adxunto

INVERNADOIRO SOLANAS 2022

Xov, 02/17/2022 - 19:59 — Iris

O invernadoiro é un proxecto moi desexado por toda a Comunidade Educativa do noso colexio.

Despois de moitos anos coa idea por fin podemos ampliar a na nosa horta escolar con máis bancais. Ademais que ao ter un lugar pechado vai permitir o cultivo de plantas ao longo de todo o ano.

Grazas ao alumnado de 6º de primaria polo seu esforzo en mellorar o colexio.

Grazas a Miguel conserxe e ao profe Jorge pola súa implicación total no proxecto.

Nuns meses esperamos ter unha boa colleita.