Artigos

O educador ambiental Marcos Guiadanes visitou o noso centro para dar unha charla ao noso alumnado de quinto e sexto de primaria. O tema da exposición foi "O BOSQUE ATLÁNTICO".

Foi unha charla moi amena onde puidemos saber cales son as especies árboreas orixinais do noso ecosístema e coñecer que o principal problema que padece esta parte de Galicia é a alarmante redución da grande biodiversidade que existiu nun dos ecosistemas máis ricos do planeta como é o bosque atlántico. Marcos fíxonos reflexionar sobre a tarefa que temos para correxilo e que corresponde aos que vivimos aquí.

Agradecer ao concello de Vilanova pola organización desta actividade.

A educación en primeiros auxilios prepara aos estudantes a afrontar situacións de emerxencia médica. É importante que os nenos e nenas aprendan como actuar en caso dunha emerxencia e teñan as habilidades necesarias para previr unha situación de risco. Por iso, e grazas a colaboración da Anpa do centro, o alumnado de cuarto, quinto e sexto de primaria participou nun obradoiro onde aprenderon as técnicas asistenciais básicas de reanimación cardiopulmonar (RCP). A actividade foi impartida por Rubén Navarro, profesor da USC e veciño de Vilanova.

Agradecer a Rubén e a Anpa a organización desta interesante actividade.

Comezamos coas charlas para familias deste curso!

A charla deste primeiro trimestre tratará sobre como establecer normas e poñer límites para mellorar as relacións familiares e darlles seguridade e estabilidade aos nosos fillos/as. Silvia Santos, psicologa do concello de Vilanova, será a encargada de facilitarnos estratexias e métodos para conseguilo.- A charla será o martes 21 de novembro ás 19:00 h no centro.