Eventos

CHEGOU O SAMAÍN A RAMIRÁS... QUE MEDO!!!!!

Como cada ano, pola conmemoración do Samaín, os nenos e nenas de Cartelle visitamos aos nosos amig@s de Ramirás. Neste día, xogamos, bailamos, cantamos, convivimos, desfrutamos dun xantar monstruoso e.... mesmo pasamos algo de medo!!!

CHEGOU O SAMAÍN A RAMIRÁS...QUE MEDO!!!!

Como todos os anos, os nenos e nenas de Cartelle, pola conmemoración do Samaín, visitamos aos nosos amig@s de Ramirás. Neste día, xogamos, cantamos, bailamos, convivimos, desfrutamos dun xantar monstruoso e... mesmo pasamos algo de medo!!!!

HORARIO DE TITORIAS

O horario de titoría co profesorado titor no curso 2019 - 2020 son os mércores de 14.55h h a 15.55 h.

Prégase avisar con antelación aos titores e titoras para poder preparar as titorías axeitadamente.

De non ser posible asistir neste horario, o profesorado titor adaptarase, na medida do posible, á situación de cada familia, sempre e cando se avise con antelación.

ÍMOS A MUÍÑOS CO DEPORTE ESCOLAR!!!

Grazas ao programa "Deporte Escolar", os nenos e nenas de Cartelle , de 2º a 6º de primaria, visitamos Muíños o día 30 de novembro.

Alí desputamos unha carreira conxunta co alumnado dos outros centros educativos da nosa zona. Os nenos e nenas de 1º acompañaron aos seus compañeir@s do centro para animalos nesta gran carreira.

DÍA DO PEÓN 2016!

Como todos os anos, a asociación "Brinquedia" convoca a celebración do día do peón.

Con esta festa, celebrada o día 11 de novembro, preténdese manter tradicións e que os nenos e nenas brinquen e bailen cos seus peóns.

MAGOSTO!!

Como non podía ser doutro xeito... chegou o Magosto!!! E no colexio de Cartelle, festexamos esta conmemoración con xogos populares á mañá e con castañas e festa á tarde. Que ben o pasamos tod@s!!!

CARREIRA POPULAR DO SAN MARTIÑO

O Consello Municipal de Deportes do Concello de Ourense organiza todos os anos a carreira pedestre popular do San Martiño. Na modalidade escolar, este ano participou do cole o noso compañeiro Martín, a quen queremos felicitar pola súa medalla! Parabéns!!!

HORARIOS DO CENTRO

Nos meses de xuño e setembro, o CEIP San Marcos ten xornada contínua, co seguinte horario:

HORARIO XORNADA CONTÍNUA
1ª Hora	10:00h - 11:00h
2ª Hora	11:00h - 11:45h
3ª Hora	11:45h - 12:30h
RECREO	12:30h - 13:00h
4ª Hora	13:00h - 13:45h
5ª Hora	13:45h - 14:30h
COMIDA	14:30h - 15:45 h

O resto do curso, o centro ten xornada partida, co seguinte horario:

HORARIO XORNADA PARTIDA
1ª Hora	10:15h - 11:05h
2ª Hora	11:05h - 11:55h
Hora de ler	11:55h - 12:15h
RECREO	12:15h -12:45h
3ª Hora	12:45h - 13:35h
4ª Hora	13:35h - 14:25h
COMIDA	14:25h - 15:55h
5ª Hora	15:55h - 16:45h

XA ESTÁ AQUÍ O NADAL!

O Nadal está chegando e no CEIP San Marcos comezamos a desfrutalo facendo un concurso de postais de Nadal.

Foi difícil facer a selección, xa que tod@s fixestes unhas postais moi bonitas, mais este ano debemos felicitar a Iker (de 1º) e a Darío (de 5º), xa que as súas postais foron as gañadoras. Parabéns rapaces!!

FESTIVAL DE NADAL 2016

FESTIVAL DE NADAL 2016

DÍA DA PAZ 2017

O 30 de xaneiro de cada curso celébrase o"Día escolar da non violencia e da paz", coincidindo así co aniversario do falecemento de Mahatma Gandhi. 

Aínda que a paz e algo que debemos poñer en práctica todos os días do ano, non está mal recordar a súa importancia. 

Por iso, este ano decidimos facer un "Mannequin Challenge" especial, con escenas propias dún día como este. Nós pasámolo moi ben facendo este vídeo, esperamos que vos guste tanto como a nós.

CLASIFICACIÓN NA CARREIRA DE MUÍÑOS

Dende o centro, queremos felicitar a Darío (5º de primaria) pola súa clasificación na carreira de Muíños. Esa carreira permitiulle competir con todos os clasificados en Monterrei. Felicidades Darío!!

ENTROIDO 2017 - O FONDO DO MAR

Xa está aquí o entroido e, despois dunha semana seguindo as ordes da meca, por fin o venres nos disfrazamos coa temática deste ano: o fondo do mar. Moita música, baile e chocolate, nun día

no que nen@s e profes desfrutamos disfrazándonos. Que ben o pasamos!!!

CHARLA DA MANCOMUNIDADE SOBRE HÁBITOS SAUDABLES

Esta semana viñeron ao noso centro Lucas e Sara a falarnos de hábitos de vida saudables. Agora temos que aplicar todo o que nos explicaron. Mans á obra!

ÍMOS AO TEATRO PARA VER "MAMÁ CABRA"

O luns 13 de marzo, os nenos e nenas de educación infantil e de primeiro e segundo de primaria saimos do cole para ver o espectáculo de "Mamá Cabra", un grupo galego de teatro infantil que mestura o teatro coa música. Gustounos moito e aquí deixamos unhas fotos de recordo. Pasámolo moi ben!!

COMPETICIÓN DE FÚTBOL CO "DEPORTE ESCOLAR"

Os nosos compañeiros e compañeiras de 5º e 6º de primaria participaron nunha competición de fútbol sala na Merca contra o alumnado deste centro e o de Toén. Pasárono moi ben e, aínda que non gañaron, case o consiguen!!

"NUNCA SEN ALMORZO"

Como todos os anos, este venres 17 de marzo tivo lugar no noso centro a actividade "Nunca sen almorzo". Esta actividade, organizada pola Xefatura Territorial de Sanidade de Ourense e levada a cabo por Puri, pretende concienciar ao alumnado da importancia do almorzo na nosa alimentación, así como da adquisición duns hábitos de vida saudables.

A través do conto de Pipo e Tuno, os nenos e nenas de infantil, primeiro e segundo de primaria reflexionaron sobre a importancia de durmir entre 8 e 10 horas, de non ver demasiado a tele ou de non comer moitas lambetadas. Por outro lado, Puri faloulles aos nenos de terceiro, cuarto, quinto e sexto da necesidade de coidar o noso corpo, así como da hixiene persoal.

3ª SEMANA ESCOLAR DA ÁRBORE E DA AUGA

Este ano festexamos no noso centro a "Semana escolar da árbore e da auga".  Nesta semana, todo o alumnado de primaria recibiu un agasallo: o libro titulado O amor eterno de Rozabales.

Despois de traballar con el, de falar sobre a importancia dos nosos bosques e de reflexionar sobre a presencia dos castiñeiros, cada alumn@ tivo que pensar un nome para poñerlle a un castiñeiro que plantamos este venres 24 de marzo no noso patio.

Finalmente, o neno máis cativo do cole, Arjuna (de educación infantil) seleccionou, de entre todos os do cole, o nome pensado pola nosa compañeira Zuleyma (de 1º de primaria), quen lle puxo: "Meco das Teixugueiras". Aquí vos deixamos algunhas fotos deste día!

ÍMOS PRESENTAR O NOSO TRABALLO A CELANOVA!

Este ano, o equipo de dinamización lingüística da zona decidiu facer uns traballos sobre rutas turísticas e a súa importancia na nosa contorna.

Dende o noso cole, e liderado pola profe Sandra, participamos facendo un gran taboleiro no que presentamos as principais rutas turísticas de Cartelle.

Quedounos xenial e aquí deixamos unhas imaxes que así o demostran!!