A semana pasada estivemos de festa outra vez. A que non sabedes o que celebramos??  Como non o ides      saber con tanto como traballastes…claro, o SAMAÍN.  Un ano máis a nosa biblioteca viuse invadida por    lotes e lotes de cabazas que fixeron as delicias de todos no colexio e de todas as familias que viñeron visitar a exposición.

Grazas a todos, coma sempre, pola vosa colaboración.

Pero ademais de cabazas tamén houbo no San Marcos mouchos, curuxas, sapos e bruxas, gatos negros, espíritos, morcegos e vampiros, pantasmas, mortos andantes e… non sigo que vos quito o sono. Mirade estas fotografías e… tremede co medo.

Arrepiantes, non si??

é o que pasa cando xuntamos dous xeitos de celebrar unha data. Seguro que todos sabedes que a tradición de baleirar cabazas e nabos e poñer dentro candeas para alumear o camiño dos espíritos é de orixe celta. Pois ben, os irlandeses levaron esta tradición aos Estados Unidos nos tempos das grandes migracións e alí comezaron a celebrala de xeito diferente e como nós somos internacionais … pois aquí está o resultado.

Hai centos de fotos na galería da páxina web. Non dubidedes en botarlle unha ollada!! Iso si, sentidiño, que non sexa moi tarde para non desvelarvos