Skip to Content

Taboleiro

Benestar e convivencia

Mér, 21/02/2024 - 20:31 — admin

1. Creación da figura da coordinadora ou coordinador de benestar e convivencia:

ORDE do 23 de agosto de 2023 pola que se establece a figura da persoa coordinadora de benestar e convivencia nos centros docentes de Galicia.

 

2. O pasado mes de xaneiro publicouse o Plan Integral contra o acoso e ciberacoso escolar, así como a actualización do Protocolo educativo para a prevención, detección e tratamento do acoso e ciberacoso escolar 

 

3. Nestes documentos recóllese a posta en marcha dun Punto Laranxa contra o Acoso Escolar en todos os centros educativos, así como en todos os centros xuvenís e residenciais. Trátase dun punto físico e tamén virtual, de denuncia accesible a calquera persoa.

Estes puntos laranxas contarán cunha imaxe común e uniforme para que sexan perfectamente identificados  e  funcionarán a modo de caixa de correo a través da cal se pode comunicar ou denunciar, dende unha posición anónima, posibles situacións de acoso ou ciberacoso que sufran ou perciban en terceiros.

Estamos na espera de recibir as instruccións e o material preciso para poñer en funcionamento os  Puntos Laranxas.

LETRAS GALEGAS

Xov, 04/05/2023 - 14:43 — admin

Ola! Estamos moi contentos de anunciar que o profesorado do equipo TIC preparou un Genially fantástico para celebrar o día das Letras Galegas! O Genially é unha forma interactiva e divertida de aprender. Esperamos que vos guste tanto como a nós.

A HORTA ESCOLAR: SEMENTANDO APRENDIZAXES

Xov, 20/04/2023 - 12:28 — admin

Comprácenos informar que no colexio continuamos a traballar no noso horto escolar. Este ano contamos coa participación e a iniciativa do proxecto "A HORTA QUE QUEREMOS", do Concello de A Coruña e a Fundación Repsol, a quenes queremos agradecer a súa colaboración neste labor.

A través deste proxecto, o noso alumnado está a aprender a cultivar as súas propias verduras e hortalizas, fomentando unha alimentación saudable e sostible. Ademais, están a adquirir habilidades valiosas no coidado do medio ambiente e o traballo en equipo.

Esperamos poder compartir pronto os froitos do noso traballo.

PROXECTO SEMENTE. PARTICIPAMOS OS DE 5º EP!!!

Xov, 20/04/2023 - 10:41 — admin
Onte, unha representación das cooperativas que creamos en 5º curso de EP, impulsadas polo Proxecto Semente, fomos ao Concello solicitar a licenza de venda dos nosos produtos.
Estabamos moi nerviosos pero saíu todo xenial.
Alí coñecemos a nenos e nenas doutros colexios. O acto celebrouse no Salón de Plenos, un lugar belísimo, case tanto coma nós, que fomos moi elegantes.
A alcaldesa felicitounos e animounos a seguir traballando porque o mercado xa será o vindeiro 19 de maio.
Queda pouco tempo e moito por facer.

Ademais Pablo Díaz Bouza entrevistounos para o programa "Hoy por hoy", de Radio Coruña. Mirade que ben falamos...

(Audio)
 

Seguiremos informando, querido colexio.
 
 
 
 
 
 
 
 
 

XORNADA FAMILIAS PLAN DIRECTOR: RISCOS REDES SOCIAIS

Ven, 31/03/2023 - 10:02 — admin

O xoves, 30 de marzo, tivemos a charla no salón de usos múltiples do noso centro sobre os riscos asociados ao uso das RRSS destinado ás familias do alumnado de 5º e 6º EP.

Esta charla enmárcase dentro do Plan Director para a Convivencia e a Mellora da Seguridade nos Centros Educativos e nas súas Contornas, desenvolvido polas Forzas e Corpos de Seguridade do Estado, tema de especial importancia e interese para toda a comunidade educativa.

Grazas a Abraham e as familias asistentes.

ENTROIDO 2023

Mér, 01/03/2023 - 22:14 — admin

Aquí deixamos un recordo do paseo artístico do noso entroido. 

</div

BO NADAL E FELIZ 2023!!

Ven, 23/12/2022 - 11:06 — admin

A Comunidade Educativa do San Francisco Javier, quere desexarvos un Bo Nadal e Feliz 2023!!!

Grazas a todas as alumnas e alumnos que participastes cas vosas postais, e que hoxe se ven representadas por  Noa, Miguel,Sara e Néstor !!!

 

OS LÉVEDOS: SERES MINÚSCULOS CUNHA IMPORTANCIA MAIÚSCULA

Mar, 13/12/2022 - 13:32 — admin

O pasado 1 de decembro visitáronnos dúas biotecnólogas. Detrás deste nome un tanto complicado está o estudo dos lévedos, que están presente no noso día a día.

PROGRAMA TEI: TITORÍA ENTRE IGUAIS

Mar, 13/12/2022 - 11:09 — admin

Despois do parón da pandemia, retomamos o programa TEI,  un programa de gran tradición no colexio (desde o curso 2017) cuxo obxectivo e a prevención da violencia e do acoso escolar. Onte presentámolo ás familas de 5º e 3º EP.

O TEI pon en contacto aos nenos e nenas de 5ºEP, que exercerán de titores-as, co alumnado de 3ºEP, que serán os seus titorizados-as.

Cando xurda unha conduta inapropiada da que o alumno/a de 3ª é a víctima, recurrirá ao seu titor/a de 5º para que entre os tres intenten resolver o problema.

Este tipo de actividades prepara ao alumnado para a vida e exercita as súas habilidades sociais para previr problemas de convivencia no futuro.

 

25 DE NOVEMBRO, POLA ELIMINACIÓN DA VIOLENCIA CONTRA AS MULLERES.

Sáb, 26/11/2022 - 09:05 — admin

O venres 25 de novembro, conmemoramos nun acto de centro o día internacional para a eliminación da violencia contra a muller.

Levamos a cabo variadas actividades para a visibilización e a concienciación nas diferentes etapas, retomando os obradoiros de igualdade realizados a comezo de curso.

O alumnado elaborou murais, debuxos, leu contos e aprendeu a canción "La puerta violeta" de Rozalén.

Podedes ver todas as fotos do día na galería da páxina web. 

Distribuir contido


by Dr. Radut