Novas

Comunicamos que a Consellería de Cultura, Educación e Universidade acaba de publicar a ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22 (código de procedemento ED330B).

O prazo de presentación de solicitudes abarca desde o 21 de maio ata o 22 de xuño de 2021.

O alumnado de 6º de Educación Primaria que pasa a 1º da ESO deberá presentar a solicitude no IES onde  esté admitido para o vindeiro curso 2021/22.

As solicitudes presentaranse preferentemente por vía telemática a través da aplicación FONDO LIBROS  ou  SEDE ELECTRÓNICA. 

Poderá presentarse na secretaría do centro en horario de 9:15 a 11:30  e de 12:00 a 13:45, así como os luns en horario de 16:00 a 18:00 h respetando as medidas sanitarias en vigor (mascarillas, distancia de seguridade) e as establecidas polo propio centro. A documentación a presentar é a seguinte:

• Unha única solicitude por familia (ANEXO I e II) incluindo todos os fillos-as matriculados no centro.
• Documentación necesaria para xustificar o alegado na solicitude (orixinal e fotocopia)

Só se permitirá a entrada no centro para o trámite administrativo a unha soa persoa.

As colas de espera realizaranse no exterior  mantendo a distancia de seguridade.

Datas importantes: 

• Publicación listaxes provisionais: 28 de xuño

• Reclamación ás listaxes provisionais : 29 e 30 de xuño

• Publicación listaxes definitivas: 5 de xullo

• Entrega libros de texto do fondo ás familias de 3º  a 6º de EP: en setembro. Comunicarase a través da web e/ou abalarmóbil.

• Entrega de vales para a adquisición de libros de texto e material: do 30 de xuño ao 7 de xullo. Os vales que non se recollan nestas datas poderán recollerese a partires do día 1 de setembro na secretaría do centro en horario de 9:30 a 13:30 horas

TODA A INFORMACIÓN PREMENDO NA IMAXE 

ACCESO APLICACIÓN FONDO LIBROS

SOLICITUDE PARA DESCARGAR: ANEXO I E ANEXO II

Desde o EDLG agradecemos a tod@s @ alumn@s a súa participación no Concurso de Banda Deseñada "O mundo do mar" e damos os nosos parabéns ós traballos seleccionados. 

Moitas grazas pola vosa colaboración e saúdos desde o EDLG!!

Estimadas familias, 

Comunicamos que este ano, debido á situación sanitaria que estamos a vivir,  realizaremos a xornada de portas abertas online, nunha reunión virtual/webinar o luns  8 de marzo ás 17:00 horas a través da plataforma Cisco Webex.

Nesa sesión facilitarase información importante do centro: proxecto educativo, horarios, recursos, actividades, infraestructuras e finalizarase cunha rolda de preguntas. 

As familias que estén interesadas en participar na mesma, deberán inscribirse previamente chamando ó número de administración do centro: 881960981 en horario de mañá. A ligazón para poder asistir será enviada o venres día 5 de marzo ó correo electrónico facilitado. 

Agradecemos de antemán a súa participación, colaboración e interese por formar parte da nosa comunidade educativa. Aproveitamos a ocasión para enviarlles un afectuoso saúdo.

O Equipo Directivo

Ao longo desta semana celebramos con distintas actividades a semana da paz. Velaquí as temos!.

Iniciase do procedemento de admisión do alumnado en centros sostidos con fondos públicos para o curso 2021/2022

A atención das nais, pais e titores-as legais do alumnado de 6º de EP

De acordo co establecido na Orde da Consellería de Educación e Ordenación Universitaria ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B) e da ORDE da Consellería do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos , e modificada pola ORDE do 25 de xaneiro de 2017  Comunicamos o seguinte:

       1. O CEIP San Francisco Javier está adscrito ao IES Monelos

      2. O noso alumnado ten prioridade para matricularse neste Instituto por diante daquel alumnado que proceda doutros centros de primaria non adscritos. Isto non quere dicir que se obteña praza. A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado.

       3. O prazo de solicitudes abranguerá do 11 de xaneiro ao 8 de febreiro do 2021, ambos incluídos.

   4. Toda a información e manuais está publicada na páxina da Consellería de Educación en admisionalumnado

      5. A presentación da solicitude pode ser no centro ou a través da Sede Electrónica ou chave 365 

a. Se opta pola presentación no centro o alumnado deberá entregar a solicitude ó seu titor-a antes entre o 11 de xaneiro e 8 de febreiro.

Pode cubrir a solicitude en línea e despois imprimila: 

SOLICITUDE ED550A

        b. Se opta por cubrir a solicitude informáticamente e asinala en sede electrónica deberá seguir os

        pasos indicados pola Consellería  na seguinte ligazón: https://www.edu.xunta.es/admisionalumnado/.

6. O alumnado de sexto curso deste Centro que, de acordo co dito anteriormente, non faga no prazo establecido a reserva de praza para o citado instituto, deberá participar no proceso xeral de admisión como se fose alumnado novo, debendo presentar cumprimentado no IES da súa preferencia, do 1 ao 20 de marzo, o documento que se publica como anexo II da citada Orde do 12 de marzo, modelo de impreso que se pode retirar na conserxería deste Centro a partires de marzo ou na web da Consellería. 
7. A reserva no IES Monelos adquirirá carácter vinculante e será incompatible coa presentación dunha solicitude de admisión noutro centro de adscrición antes do inicio do prazo de presentación de solicitudes de admisión.
8. O alumnado ADMITIDO deberá formalizar a matrícula no instituto entre o 25 de xuño e o 10 de xullo.