CEIP San Francisco Javier

Publícase o calendario das xuntanzas previstas entre o profesorado titor e as persoas responsables legais do alumnado do seu grupo.

As reunións realizaranse nas aulas de cada grupo e, dada a limitación dos espazos rógase acuda unha soa persoa responsable por cada alumna-o. Así mesmo, rógase asistir sen nenos-as para facilitar a comunicación e optimizar os tempos.

Adxúntase unha táboa informativa de datas e espazos para cada titoría. O resumo do calendario é o seguinte:

LUNS 18/09/2023:

6º EP DE 16:00 A 17:00

LUNS 25/09/2023:

5º EI de 16:00 a 17:00

1º e 3º EP de 16:00 a 16:30

2º e 4º EP de 16:30 a 17:00

5ºEP de 16:00 a 17:00

LUNS 02/10/2023

6º EI de 16:00 a 17:00 

Estimadas familias:

Iniciamos o 2023-2024 como novo equipo directivo e, xunto con todo o profesorado, queremos darvos a benvida a este curso escolar.

Equipo directivo:

Directora: María Victoria Esteban Riesco

Secretaria: Silvia Lozano Abuín.

Xefa de Estudos: Virginia Dávila Barba.

Comezo das clases:

Dende o día 1 de setembro o centro permanece aberto durante a xornada habitual e as clases darán comezo o luns día 11 de setembro en horario de 9:00 a 14:00,agás o alumnado de 4º de Educación Infantil que terá o horario establecido para o período de adaptación.

Organización de entradas e saídas:

En arquivo adxunto podedes ver a circular de inicio do curso, que contén información importante de entradas, saídas e normas de organización e funcionamento. 

Tamén atoparedes para descargar os impresos das autorizacións do alumnado, ao remate desta publicación.

Comunicacións:

Como sabedes, o medio de comunicación co profesorado titor é, ademáis das titorías presenciais, a aplicación abalarmóbil. Nela poderedes consultar información académica da vosa filla ou fillo, do grupo a que pertence e o profesorado que ten asignado.

Se aínda non tedes descargada esta aplicación, hai un post cunha guía AbalarMobil para facelo.

Lembramos que o principal medio de comunicación de novas e información importante continúa  a ser a web do centro.

Libros de texto e material funxible:

No taboleiro de anuncios do centro e na web está publicado dende xuño o listado de libros de texto.

A entrega de libros do Fondo Solidario realizouse o día 8 de setembro e a de vales para libros e para material iniciouse en xullo. Quen teña concedidas estas axudas e non as recollese aínda, pode dirixirse á secretaría do centro. Os libros que quedasen sen recoller serán entregados ao alumnado nos primeiros días.

Os listados de material funxible están publicados nun post anterior.

Feliz curso e recibide un afectuoso saúdo.

Equipo Directivo

Información de interés para as familias de alumnado de 4º de infantil e as que se incorporan ao sistema educativo galego.

Recoméndase descargar a aplicación abalar no seu móbil para recibir comunicacións do centro escolar. Máis información na seguinte ligazón:

GUIA ABALARMOBIL

abalarMóbil é unha aplicación que permite ás familias consultar a información académica de calquera dos seus fillos a través do teléfono móbil.

A Xunta de Galicia, coa finalidade de aumentar o acercamento entre o profesorado e as familias, ofrece estes servizos móbiles de Abalar para permitir aos responsables do alumnado poder seguir a actividade dos seus fillos desde calquera lugar.

Infórmase ás familias de alumnado dende 3º a 6º de Primaria que teñen asignados libros de texto do Fondo Solidario, que a entrega realizarase ás persoas solicitantes (nai ou pai) o vindeiro venres día 8 de setembro, en horario de 10:00 a 11:00 horas, no patio cuberto do colexio por parte do profesorado titor.

No momento da entrega deberán asinar un documento de recepción e non se entregarán a persoas diferentes das solicitantes, para evitar extravíos.

De non poder acudir na data e horario fixados, entregaranse unha vez comezadas as clases poñéndose en contacto co profesorado titor.

Estimadas familias,

Dende todo o claustro do CEIP San Francisco Xabier queremos darvos a benvida a este curso 2023/24.

Desde mañá, venres, día 1 de setembro o centro permanecerá aberto en horario de mañá, aínda que estamos a organizar o novo curso que comeza o  luns día 11 de setembro.

Aproveitamos a ocasión para comunicarvos que a entrega fondolibros ás familias beneficiarias realizarase o venres 8 de setembro  de 10-11 horas da mañá no patio cuberto do centro.

Se algunha familia non pode acudir a recollelos ese día, entregaránselle os libros ao alumnado nos primeiros días de clase.

Lembrámosvos que iremos actualizando a información e dando a coñecer as novas do centro a través desta páxina web e da aplicación ABALAR.

FELIZ INICIO DE CURSO!