Novas

VI CONCURSO DE BANDA DESEÑADA: UNHA VIAXE POLO MUNDO!!

Ven, 29/04/2022 - 19:10 — admin

Un curso máis, @s nos@s alumnas e alumnos, desde @s máis pequen@s ata os maiores, participaron no Concurso de Banda Deseñada, na súa VI Edición, co tema UNHA VIAXE POLO MUNDO, sorprendéndonos coa súa creatividade e orixinalidade.

Agradecemos a tod@s por tomar parte no Concurso, e parabéns aos traballos seleccinados!!!

Ata a próxima edición!!!

Saúdos desde o EDLG!!!!

Podedes ver os cómics seleccionados premendo no título:

Unha viaxe polo mundo!!!

ADMISIÓN ALUMNADO. LISTAXES PROVISIONAIS CURSO 2022-2023

Mér, 20/04/2022 - 07:32 — admin

Hoxe, día 20 de abril de 2022, procédese á publicación das listaxes provisionais de admitidos e non admitidos para o curso 2022-2023.
Estas listaxes pódense consultar no taboleiro interior do centro ou telematicamente a través da aplicación admisionalumnado empregando a chave 365 ou certificado dixital.

O prazo de reclamacións ás listaxes estará aberto desde mañá día 21 ata o 27 de abril de 2022, ás 13:30 horas na administración do centro en horario de 09:30 a 11:30 e de 12:00 a 13:30 horas.

As reclamacións resolveranse coa publicación das listaxes definitivas antes do 15 de maio. A súa publicación comunicarase a través da web do centro.
O prazo de formalización de matrícula será do 20 ó 30 de xuño. Se finalizado este prazo non se formalizara a matrícula, decaerá o dereito á praza obtida.

VISITA AUTORES: CARLOS LÓPEZ

Mar, 05/04/2022 - 20:33 — admin

Hoxe estivo connosco Carlos López, Chinto. Encheu o Salón de Actos de retranca, de contos que cambian, de animais moi orixinais. Nós pasámolo xenial e aprendemos que o oficio de escritor non é un conto calquera..

RUTAS URBANAS

Mar, 29/03/2022 - 16:41 — admin

Desde hai uns días, acuden ó colexio a policía Silvia e o policía Manuel para que aprendamos Educación Vial dunha forma diferente.

O pasado venres 25 voltaron a visitarnos, esta vez tocoulles a quenda ó alumnado de 6º EI. Explicáronnos que temos que facer si nos perdemos na rúa; dixéronnos un número moi importante, o 112, para emerxencias; e o mellor de todo, saímos á rúa con chalecos de policía, e recordamos como temos que cruzar nos pasos de peóns. Pasámolo xenial e aprendimos moitas cousas!!!

ADMISIÓN ALUMNADO CURSO 2022-2023. DOCUMENTACIÓN COMPLEMENTARIA.

Mér, 23/03/2022 - 13:04 — admin

Prezadas familias,

Informamos aos solicitantes de praza no proceso de admisión de alumnado do curso 2022-2023 para o CEIP San Francisco Javier que, tras determinar que o número de solicitudes é superior ao de prazas ofertadas, é preciso baremar todas as solicitudes para Educación Infantil e para Educación Primaria.

A documentación xustificativa dos criterios de baremo entregarase na administración do centro do 24 de marzo ao 6 de abril, no horario de 09:15 a 11:30 e de 12:00 a 13:30 h.

A presentación desta documentación ten carácter voluntario. A falta de presentación desta documentación impedirá valorar o criterio ou criterios para efectos de determinar a puntuación correspondente.

XA TEMOS HORTA NA ESCOLA!!!

Dom, 20/03/2022 - 20:37 — admin

Por fin o conseguimos!!! Xa temos horta no San Francisco Javier!!!

Estamos ilusionad@s e entuasiasmad@s. Esta semana empezamos a plantar a nosa horta, cada clase temos asignada unha. Imos cultivar un pouquiño de todo; desde leitugas, tomates cherri, cenorias, amorodos, plantas aromáticas, acelgas, espinacas... e moitas máis cousiñas!!!

Entre os distintos obxectivos que nos plantexamos os profes con este proxecto, destacaríamos aprender a cultivar e coidar as plantas, pero tamén aprenderemos valores moi importantes: traballo en equipo, sostenibilidade e o respeto e coidado da natureza e da nosa contorna.

RECOLLIDA DE MEDICAMENTOS PARA UCRAÍNA

Xov, 17/03/2022 - 15:50 — admin

Estimadas familias e membros da comunidade educativa: profesorado e persoal non docente.

Como non podía ser doutra forma, unha vez máis queremos darvos mil grazas pola magnífica resposta á campaña de recollida de MEDICAMENTOS PARA UCRAÍNA.

Hoxe, un grupo de alumn@s en representación de todo o centro, fixeron entrega a Laura, representante da ONG FAMILIES4PEACE dos medicamentos aportados.

Indícannos que hoxe serán clasificados por personal sanitario voluntario, para saír nas vindeiras horas camiño de Ucraína.

Grazas de novo pola vosa solidariedade, colaboración e xenerosidade!!!