Novas

Esta semana tivemos unhas xornadas de Educación en Igualdade en colaboración coa ANPA "A Cubela". Os primeiros en participar con Jumpingkids foron as alumnas e alumnos do 1º ciclo de EP. Continuarase ao longo desta semana co alumnado de Educación Infantil, e para a próxima participará o alumnado de 3º a 6º de Educación Primaria con Almas Merakis. 

A través de distintas actividades comprenderon que as cores non teñen xénero, que todas e todos somos iguais e que podemos adicarnos ao que desexemos.

Foi unha actividade moi enriquecedora. 

Ademais, a ANPA organizará uns obradoiros de igualdade para as familias do centro:

Os días 3 e 4 de novembro de 16.00- 18.30horas no salón de actos do noso colexio.

Agradecer á ANPA a súa colaboración.

Xa é Outono no noso colexio, e como non podía ser doutro xeito xa empezaron a bailar as buxainas polos nosos patios. E quen mellor que o gran campeón de buxainas mexicano, Omar Pule, para facer con elas incribles trucos diante das miradas asombradas de alumnas, alumnos e tamén de profesoras e profesores. Agora só nos queda rescatar as nosas buxainas, dese curruncho no que estiveron agochadas, e disfrutar un ano máis da maxia e o magnetismo do seus bailes.

Vira na roda da vida

Vira como unha buxaina

Por cada volta que vira

Vaise unha pena da ialma

(Xosé Lois Romero)

Estimadas familias de 4º de EI, 

O profesorado e o equipo directivo queremos darvos a benvida ó centro e desexarvos un feliz curso escolar. 

O vindeiro martes día 6 de setembro, de 12:00 a 13:00 horas, teredes unha reunión cas titoras nas aulas asignadas a 4ºEI, na que se trasladará información importante e se aclararán as dúbidas que poidan xurdir.

En arquivos adxuntos figuran os horarios dos grupos. As listaxes de cada clase pódense consultar no taboeiro interior do centro.

Recibide un cordial saúdo 

PERÍODO DE ADAPTACIÓN 4ºA EI

PERÍODO DE ADAPTACIÓN 4ºB EI

MATERIAL 

Están publicadas as listaxes definitivas da axuda para a adquisición dos libros de texto para o alumnado de 3º, 4º, 5º e 6º de EP, e de material para o alumnado de 1º e 2º de EP para o curso escolar 2022-2023. Poden consultalas na aplicación ou no taboleiro interior do centro.