De conformidade co artigo 35 da ORDE do 21 de outubro de 2022 pola que se desenvolve o Decreto 13/2022, do 3 de febreiro (DOG de8 de novembro de 2022) publícanse as listaxes definitivas de alumnado admitido e non admitido a prazas escolares neste centro para o curso 2024-2025.
As reclamacións presentadas entenderanse estimadas ou desestimadas coa publicación da listaxe definitiva. (Art.35)
Contra estas listaxes, as persoas interesadas poderán interpor recurso de alzada ante a xefatura territorial, no prazo dun mes contado a partir do día seguinte ao da súa publicación. A resolución da xefatura territorial porá fin á vía administrativa (Art.36).
CONSULTA DE LISTAXES
As listaxes poderanse consultar de dúas maneiras:
1º. Presencialmente: no taboleiro de anuncios situado no interior do centro.
2º. Por vía electrónica: exclusivamente través da aplicación informática admisionalumnado, accedendo co certificado dixital ou Chave365.
ADXUDICACIÓN SUBSIDIARIA (Artigo 39).
As solicitudes presentadas en prazo que non resulten admitidas no centro docente indicado en primeiro lugar, trasladaranse á comisión de escolarización, que as baremará para cada un dos centros solicitados en que existan postos vacantes, seguindo a orde de preferencia manifestada na solicitude.
FORMALIZACIÓN DA MATRÍCULA (Art. 41)
O alumnado admitido deberá formalizar a súa matrícula no centro nos prazos seguintes:
a) Alumnado de educación infantil e primaria: do 20 ao 30 de xuño.
b) Alumnado de ESO e BAC: do 23 de xuño ao 7 de xullo.
De non formalizarse a matrícula no prazo establecido, decaerá no seu dereito a praza obtida.
