A continuación deixámosvos a lista de material escolar para o curso 2024/2025.

Hoxe os nenos de 5° e 6° de EP, fixemos a terceira das actividades relacionadas co Bosque Atlántico. Despois de dúas actividades no noso centro que tiveron lugar no mes de marzo onde aprendemos moito sobre a importancia do coidado da nosa biodiversidade, hoxe desprazámonos ata as Lagoas Marcosende na parroquia Viguesa de Zamáns, onde puidemos poñer en práctica real todos os nosos coñecementos.

O alumnado do noso centro participiou na Semana da Ciencia (Ciencia na Rúa) organizada polo Concello de Caldas de Reis. Visitamos a exposición no xardín de experiencias científicas presentadas polo alumnado dos centros educativos de Caldas. Destacamos o traballo do noso alumnado de 5° e 6° de Educación Primaria que cos seus experimentos levaron a ciencia a todos os asistentes. Gústanos a CIENCIA!!!

Os alumnos/as de 5° e 6° de primaria fixemos unha andaina ata as fervenzas de Segade para rematar o trimestre nunha xornada de convivencia e contacto coa natureza. Foi realmente emocionante descubrir covas ocultas, ver a ponte romana de Segade e seguir o sendeiro monte a través ata as fervenzas. Unha vez repuxemos forzas emprendemos o camiño de volta, nesta vez quedámonos con flores curiosas que atopamos polo camiño como o couselo, o botón de ouro...ata fixemos trompetas co centeo!

Os rapaces e rapazas de 5° de Educación Primaria, con motivo do mes da ciencia, quixemos facer a nosa aportación para visibilizar algunhas das grandes mulleres científicas ao longo da historia; para elo fixemos unha labor de  investigación de 12 mulleres científicas que recollemos nos nosos lapbook. Finalmente, culminamos o mes da ciencia converténdonos en científicos extraendo o ADN dalgunhas froitas como amorodos, plátanos e kiwi. Empregamos un microscopio e unha lupa binocular para ver como estaba formada a cadea do ADN.