EF

Xogos Olímpicos no Estadio Municipal de Atletismo

Hoxe rematamos o proxecto deste curso no Estadio Municipal de Atletismo de Fontecarmoa.
Tras un desfile inicial, na que ata unha mascota tivemos, todo o alumnado participou en diferentes probas distribuídas segundo as idades: carreiras de velicidade, de obstáculos, de relevos; saltos de lonxitude e altura e lanzamentos de peso, xavelina e martelo. Unha morea de novas experiencias.
Foi unha xornada deportiva fantástica, na que ademais de convivir e coñecer diferentes modalidades deportivas, aprendemos a gañar e perder, pois o importante sempre é pasalo ben e respectar aos demais.

Cal será o proxecto do vindeiro curso? Sabela xa anda cavilando nalgo...

Grazas á Consellería de Deportes e ao persoal que nos facilitou a organización.

Engadir novo comentario.

Sofía Brea e Carmen Martínez dannos a coñecer a disciplina de doma clásica

No día de hoxe tamén tivemos a derradeira visita dunha deportista. Nesta ocasión a nosa exalumna Sofía Brea Tobío e campioa galega de doma e con numerosos logros no seu palmarés, pese á súa curta idade, veu acompañada do seu cabalo e a tamén exalumna Carmen Martínez Rey, monitora na Hípica Ares.
Entre as dúas explicáronnos unha morea de cousas, como que cada día comen 11kg de comida e beben 25 litros de auga. Sabiades que Sofía precisou 2 anos para compenetrarse co seu compañeiro? A amizade non segure un proceso tan rápido coma nas persoas!
Moitas grazas, Sofía e Carmen. Que gusto dá ver ao noso alumnado conseguindo os seus soños!

Engadir novo comentario.

Semana Europea do Deporte

A choiva non nos permitiu celebrar as actividades que tiñamos preparadas para conmemorar a Semana Europea do Deporte, así que tivemos que pospoñelas para o primeiro venres que saíu o sol.

Recreamos varios xogos baseados en cadros, por exemplo:

- A pita cega, de Goya.

- O discóbolo, de Mirón.

- Rapaces xogando ao trompo, de José del Castillo

- Saltando á comba, de Sorolla.

- A danza, de Castelao.

- Nenos xogando ás chapas, de Ángel Olarte Arraiz.

Así que, ademais de divertirnos moito facendo exercicio, tamén aprendemos sobre arte.

Engadir novo comentario.

Actividades EF

Podes consultar as actividades que realizamos en Educación Física no blog "Xogando en Rubiáns"

Engadir novo comentario.

Móvete!

Engadir novo comentario.

Enquisa saúde e deporte

Educación Física

Enlace ao blogue de Educación Física

EDUCACIÓN FÍSICA

A área de Educación Física debe fundamentarse especialmente na adquisición das capacidades que contribúan ao desenvolvemento persoal e a unha mellor calidade de vida. Debe dirixirse cara ao coñecemento progresivo da conduta motriz e cara á asunción de actitudes, de valores e de normas referentes ao corpo e ao movemento.

Pero a Educación Física non é unha simple aprendizaxe de movementos, senón un camiño cara á educación total que utiliza o dito movemento como axente pedagóxico con diversas funcións: de coñecemento, de organización perceptiva, anatómico-funcional, estético/comunicativa, de relación social, agonística, hixiénica, hedonista, de compensación e catártica.

Especialmente importante é a relación que a Educación Física ten coa saúde. A actividade física ben practicada mellora o benestar e a calidade de vida.

Hoxe en día os estudos de carácter científico que recollen as evidencias sobre os prexuízos do sedentarismo e os beneficios da actividade física son innumerables.

A inactividade física é a cuarta causa de mortalidade por ENFERMIDADES CRÓNICAS NON TRANSMISIBLES (E.C.N.T.) no ámbito mundial.

Un importante número de nenos/as e mozos/as galegos menores de 16 anos presenta actividade física insuficiente e exceso de peso.

Temos diante nosa un gran reto que entre todos/as debemos superar...

STOP AO SEDENTARISMO!

No C.E.I.P. Rubiáns estamos moi concienciados coa problemática que supón o sedentarismo por iso como centro educativo desenvolvemos o noso proxecto "Ponte as pilas e móvete!", incluíndo tamén o programa Xogade,no marco do "Plan Proxecta" da Consellaría de Educación e Ordenación Universitaria, co obxectivo de fomentar que adquiran unha vida activa e saudable.