Matrícula

Todas as solicitudes de admisión de novo alumnado presentadas para os niveis de INFANTIL e 1º de PRIMARIA do próximo curso 24-25, foron admitidas.

• 4º Educación Infantil: 14 solicitudes.
• 5º Educación Infantil: 1 solicitude.
• 1º Primaria: 2 solicitudes.

O prazo de formalización da matrícula será do 20 ao 30 de xuño. Publicaranse as instrucións en canto sexan remitidas pola Consellería de Educación.

Informamos que este venres, día 1 de marzo da comezo o procedemento de admisión para alumnado de nova incorporación para o curso 24-25.

Na seguinte presentación pódese ver toda a información. É posible descargar o documento desta información desde os ficheiros adxuntos.

O horario de secretaría é: Luns a venres de 14:00 a 14:50

                                       Martes e venres de 09:50 a 10:40

IMPORTANTE: A documentación entregarase SÓ á secretaria ou á directora do centro.

Informamos ás familias do alumnado de 6º de Primaria que está aberto o prazo de reserva de praza no IES de adscrición IES ARMADO COTARELO VALLEDOR (Sobradelo) 

O alumnado deberá traer correctamente cuberto e o antes posible o formulario de reserva de praza co fin de poder realizar dende o centro a reserva telemática correspondente (esta remata o 5 de febreiro) 

No caso do alumnado que non teña previsto cursar a ESO no IES adscrito, terá que agardar a presentar de xeito presencial o formulario correspondente no IES escollido. 

O alumnado que ten reservada praza nun centro, se vai presentar solicitude de admisión noutro distinto, deberá comunicar a renucia á reserva antes do inicio do prazo de presentación de solicitudes de admisión. 

Orde do 25 de xaneiro de 2017 e  Orde do 12 de marzo de 2013

PRESENTACIÓN DE SOLICITUDES: do 1 ao 22 de marzo.

· Cada solicitante presentará unha única solicitude no centro no que solicita praza en primeiro lugar, podendo poñer ata 6 centros por orde de preferencia, sendo nulas todas as solicitudes que se presenten en dous ou máis centros.

· As solicitudes de admisión, presentaranse mediante o modelo: anexo II ED550B a través da aplicación «admisionalumnado» (https://www.edu.xunta.gal/admisionalumnado).

· Tamén se poderán presentar de forma presencial no centro docente indicado como primeira opción e, en calquera dos rexistros establecidos utilizando o formulario normalizado.

· Todos os interesados en presentar a documentación en papel, poden descargala a través da páxina web do colexio ou no enlace anteriormente indicado da aplicación.

DOCUMENTACIÓN.

· Solicitude: Anexo II ED550B debidamente cumplimentado e asinado polos dous proxenitores.

· Certificado de matrícula, no caso de estar escolarizado noutro centro escolar.

· Copia do DNI da persoa solicitante (ou Libro de Familia en caso de non ter DNI).

· Copia do DNI dos membros da unidade familiar, cando deneguen a súa consulta.

· Convenio regulador ou resolución xudicial de separación xudicial ou divorcio, se é ocaso.

· Se é o caso, documentación xustificativa da solicitude dunha praza para alumnado con necesidades específicas de apoio educativo.

NO CASO DE QUE SEXA PRECISO BAREMAR.

Deben presentar a seguinte documentación acreditativa do 25 de marzo ao 9 de abril:

o   Se alega PROXIMIDADE do domicilio/traballo: Volante histórico de convivencia/contrato de traballo.

o   Se alega IRMÁNS NO CENTRO: Fotocopia do libro de familia.

o   Se alega FAMILIA NUMEROSA: Libro ou tarxeta de familia numerosa.

o   Se alega FAMILIA MONOPARENTAL: Certificado de Recoñecemento da Dirección Xeral de Familia, Infancia e Dinamización Demográfica.

o   Se alega RENDA DO 2019: marcar a casilla de autorización na solicitude. No caso de non facer a declaración, traer o Certificado Tributario de Imputacións (solicítase en facenda).

o   Se alega DISCAPACIDADE dalgún membro da unidade familiar superior ao 33%: Certificado de recoñecemento da mesma

IMPORTANTE.

· A solicitude terá que estar asinada por calquera dos titulares da patria potestade ou representantes legais.

·  No caso de separación ou divorcio será necesaria a sinatura de ambos proxenitores, agás que a patria potestade estea atribuída, con carácter exclusivo, a un deles. En ambos casos, será necesario presentar a resolución xudicial correspondente para o seu cotexo polo centro educativo.

· No suposto de alumnado afectado por situación de violencia de xénero non será esixible o previsto no parágrafo anterior.

 · O alumnado xa matriculado ten garantía de permanencia no centro. No caso de presentar unha solicitude de admisión noutro centro distinto deberá comunicalo, ao mesmo tempo, no centro de orixe.

· As familias poderán consultar o estado de trami­tación das súas solicitudes a través da aplicación informática «admisión alumnado» (https://www.edu.xunta.gal/admisionalumnado) utilizando o código de solicitude e o número de DNI da persoa solicitante».

· A notificación electrónica a través do Sistema de notificación electrónica de Galicia Notific@ (https://notifica.xunta.gal) realizarase con respecto aos trámites e actos propios da competencia das xefaturas territoriais, sempre que a persoa elixira esta modalidade como medio de notificación preferente.

PRESENTACIÓN DA DOCUMENTACIÓN ACREDITATIVA: do 25 de marzo ao 9 de abril (só no caso de ser preciso baremar e denegue a consulta automática).

LISTAXE PROVISIONAL DE ADMITIDOS: publicarase antes do 26 de abril.

RECLAMACIÓNS:poderase formular ante o Consello Escolar no prazo de 5 días hábiles.

LISTAXE DEFINITIVA:publicarase antes do 18 de maio.

FORMALIZACIÓN DA MATRÍCULA: do 20 ao 30 de xuño.

Documentación a presentar para formalizar a matrícula:

· Impreso de matrícula cumplimentado.

· Impreso de datos complementarios.

· Enquisa de preferencia lingüística (4º de EI).

· Dúas fotografías tamaño carnet.

· Fotocopia do libro de vacinas.

· Volante histórico de convivencia.

· Fotocopia da cartilla/tarxeta da seguridade social.

· Fotocopia do libro de familia onde está inscrito o alumno ou alumna.

ZONAS DE INFLUENCIA: parroquias de Rubiáns e Cea.

CENTRO AO QUE ESTÁ ADSCRITO: IES Armando Cotarelo Valledor.

SERVIZOS COMPLEMENTARIOS do centro:

Transporte (regulado polo Real Decreto 443/2001 do 27 de abril)

Comedor escolar (regulado polo Decreto 132/2013, do 1 de agosto) 

NORMATIVA que regula o proceso de admisión de alumnado:

Decreto 254/2012, do 13 de decembro (DOG do 26 de decembro)

Orde do 12 de marzo de 2013 (DOG do 15 de marzo).

Orde do 25 de xaneiro de 2017 (DOG do 1 de febreiro).

Orde do 18 de decembro de 2020 (DOG do 22 de decembro).