Complementarias

Hoxe tivemos a excursión de convivencia, na que todo o cole viaxou ata Baiona. Segundo a idade dividímonos para disfrutar desta vila e os seus encantos.
Visitamos o casco histórico, o Museo da Navegación, a réplica da carabela Pinta, paseamos rodeando a fortaleza de Monterreal e xogamos no parque. Logo fomos comer ao Chan da Lagoa e aínda que de cando en vez a chuvia ameazaba con facernos fuxir puidemos comer e xogar no merendeiro.

Que sorte tivo o alumnado de 3° e 4° que puido visitar a casa de Rosalía e despois achegarse a merendar no entorno da ponte colgante de Sirimbao! Que nervios cruzar a ponte...

A rapazada do 2° ciclo coñeceu a praza de abastos, a nova biblioteca municipal e tras un paseíño polo paseo da praia chegaron á estación do ferrocarril.

Pasárono xenial mentres coñeceron os rincóns da nosa vila e as marabillas que atopamos no mercado local.

Hoxe recibimos unha nova visita dos maiores do Centro de día Vilagarcía e nesta quenda foi o alumnado de 5° o que tiña preparada unha actividade.
Durante máis dunha hora estiveron entrevistandoos para saber un pouco do seu día a día e de como era a vida antes. Poderedes ler esta entrevista no xornal que entregaremos a final de curso. Como agradecemento entregáronlles uns imáns de recordo.
Despois, eles amosáronos o baile que están preparando para a celebración do aniversario do centro, que realizarán o venres 12.

Hoxe tivemos unha nova visita dos usuarios do Centro de día Vilagarcía. Nesta ocasión o alumnado de 6° de Primaria representou a obra teatral "Pedro e o lobo" e o alumnado de 6° de Infantil cantou a canción dos meses do ano para eles. Gustoulles moito, así que xa estamos s argallar que facer o vindeiro mes.