Actividades

Teatro en inglés con Kids & Us

Neste intenso fin de curso o alumnado de Infantil, 1° e 2° puido gozar dunha obra de teatro en inglés do máis entretida e participativa da man de Kids & Us .

Moitas grazas por contar connosco un ano máis!

Engadir novo comentario.

Visita á casa de Rosalía de Castro

Que sorte tivo o alumnado de 3° e 4° que puido visitar a casa de Rosalía e despois achegarse a merendar no entorno da ponte colgante de Sirimbao! Que nervios cruzar a ponte...

Engadir novo comentario.

Literatur 2024

O alumnado de 1° e 2° participou un ano máis en Literatur, actividade para achegar a lectura aos máis peques dentro da Cidade do Libro na que se converte Vilagarcía cada xuño. Coma sempre, voltaron encantados.

Engadir novo comentario.

Celebramos o Día do Libro máis olímpico

Como cada ano realizamos o Apadriñamento lector, unha actividade que lle encanta a lectores e espectadores e que coma sempre resultou un éxitazo.

Ademais fixemos un reto olímpico literario, no que todos os cursos, cada un na súa quenda, superou uns retos con trabalinguas, poesía, debuxo..., para chegar á proba final na que tiveron que vestir a Sabela de tenista e obter unhas pelotas coas que xogaremos en canto o tempo o permita, a diferentes modalidades paralímpicas.

O último reto, consistiu en resolver unha adiviña de Gloria Fuertes o que nos serviu de excusa para coñecer á poeta amiga dos nenos e das nenas.

Tras facer todos os retos propostos conseguiron unha pelotas que hoxe empregamos para facer as nosas paralimpíadas. Non faltaron o baloncesto e o voleibol sentados, fútbol para cegos ou boccia.

Foi unha experiencia moi divertida que nos fai reflexionar no que se complican as cousas cando temos unha dificultade engadida.

Engadir novo comentario.

Visita de Titimoki

Comezamos o mes de marzo coa visita da escritora Titimoki, que veu falar cos cursos inferiores do seu libro Pomodoro, no que un oso é feliz compartindo as súas mazás coa veciñanza. Un bo punto de partida para un reflexión sobre a sociedade actual.
O alumnado estivo moi interesado en todo o que lles contou sobre a creación e lectura do conto.

Esta actividade enmárcase dentro do programa Faro da Escola, que conta coa colaboración da Editorial Xerais.

Grazas, Titimoki!

Engadir novo comentario.

Visita do escritor Eduardo Santiago

Hoxe o escritor Eduardo Santiago veu falar connosco do seu libro "A miña amiga invisible", grazas ao programa Faro da Escola, de Faro de Vigo, e a colaboración da Editorial Xerais.

Ademais, falamos de como se inspira en persoas que coñece para escoller os nomes e outras características das súas personaxes, de como se inspira noutros libros, do proceso dende que escribe o libro ata que se publica e moitas cousas máis. Incluso nos dixo cal é o seu libro favorito da literatura infantil en galego.

Moitas grazas por vir, Eduardo Santiago. Quedamos con ganas de ler "O mundo máxico de Lía".

Engadir novo comentario.

Visita a biblioteca!!

Visita de Berta Dávila

Hoxe visitounos Berta Dávila grazas á colaboración de Faro da Escola e Edicions Xerais de Galicia para charlar connosco sobre o seu libro Demetrio Demoscopio perdeu a chispa.

Cando Demetrio Demoscopio perdeu a súa chispa o pequeno André decidiu axudalo a recuperala para o que andivo maquinando como conseguilo: dende contarlle chistes ata meterse nun libro máxico.

Unha conversa ben interesante na que descubrimos a unha escritora consagrada que se achega por 1° vez á literatura infantil.

Engadir novo comentario.

Día do libro

Por fin poidemos retomar unha das activades que máis nos gusta para commemorar o día do libro, o apadriñamento lector.

Aos maiores encántalle lerlle aos máis pequenos e os pequenos gozan da lectura por parte dos maiores creando así un vínculo e unha corresponsabilidade que nos fai moi felices.