Skip to Content

Sabela artista

PDI do curso 21-22

Berra Berra, non á guerra!

Este curso o éxito do verán ademais de soar en todas as verbenas e en todas as emisoras de radio do mundo mundial, tamén vai a formar parte dos audiovisuais de todos os museos.

Non quedaron artistas sen aparecer no noso vídeoclip e os marchantes de Arte xa se rifan as obras de Arte!

Verdade que é unha obra de Arte?

 

Telexornal 2022

Un año máis esperabamos expectantes polo noso Telexornal! Que se lles ocorrería ao alumnado de 6º? Nesta ocasión cambiaron un pouco o formato e en vez de noticieiro marcharon de excursión a un museo moi especial... Queres velo? Mira, mira!

 

Videoconferencia co CEGAC

A arte contemporánea colouse no colexio a través do Centro Galego de Arte Contemporánea (CGAC). A través dunha videoconferencia puidemos observar obras de arte que non o parecen e un museo que ten de todo, non só pinturas.

Fixemos o noso retrato da maneira tradicional e logo a partires de garabatos. Que interesante!

Despois tamén debuxamos con diferentes cores ao ritmo da música. Unha actividade ben interesante que nos fai reflexionar sobre a influencia da música no noso estado de ánimo e de como este se reflicte nas obras.

Dende o museo propóñennos facer Land Art, que consiste en crear unha obra na natureza ou nunha paisaxe urbana empregando elementos naturais: area, paus, pedras... Animádesvos? 

A Ruta das Esculturas: Infantil

Os venres do mes de maio van a estar cargadiños de aventuras.

Por grupos imos realizar "A ruta das Esculturas".

Dentro do proxecto Sabela Artista, estivemos investigando as esculturas que había en Vilagarcía. Descubrimos que había moitas máis das que pensabamos!.

Agora tocaba ir visitalas, é que mellor que viaxar en tren? Así que Sabela e os pequenos do cole, cargadiños de ilusión emprendemos a viaxe.

Contamos ademais cuns guías de luxo. Aitor e Antón de 6º foron falando das diferentes esculturas, dos seus autores e dos seus significados. Canto aprendemos!

Vimos Man con man, a Porta da luz salgada, os leóns do Concello", o busto de Rosalía, as ameixas de Carril, fixemos unha paradiña no parque de Miguel Hernández, pois alí hai varias esculturas que destacar, achegámonos ao porto de pasaxeiros e dende alí avistamos a cruz de Lobeira. Logo tivemos a sorte de poder entrar no porto comercial, grazas a Autoridade Portuaria para ver de preto a Rosa do mar unha escultura impresionante que estamos afeitos a vela sempre dende moi lonxe. Depois seguimos a Vilaxoan e voltamos ao cole pasando antes polo centro da Vila.

Que ben o pasamos! Non tiñamos ganas de volver, se non fora porque xa tiñamos fame quedariamos todo o día no tren!!

Día da Ilustración

Dende o 2014 cada 30 de xaneiro celébrase en Galicia o Día da Ilustración, coincidindo coa data do nacemento de Castelao.

Este ano, coñecemos a tres mulleres galegas que, ademais de ilustradoras fan uns marabillosos murais, igual que Haring fixo con Tuttomondo.

As artistas que coñecemos son Eva Casais, Lara Torres e Lidia Cao. A que fan cousas preciosas?

 

Día da Paz

Non debería ser preciso celebrar o Día da Paz, pero mentres haxa inxustizas no mundo cómpre adicarlle este día para que reflexionemos no que podemos facer cada un de nós para facer deste un mundo mellor.

Este ano achegámonos a este día dende a arte. Un mural realizado por todo o alumnado e inspirado na obra de Keith Haring preside a entrada do colexio. Dentro, móbiles cos símbolos da paz, interpretacións de Haring, ou o mesmo Guernica, completan unha xornada na que falamos da importancia de facer sentir ben aos demais, o Apartheid, o rexeitamento aos demais...

 

25N: Shamsia Hassani

COÑECE A ARTISTA AFGANA 

 

AGORA DEMOSTRA O QUE APRENDECHES

 

Pintamos como Romero Britto

Uns artistas de medo!

Remata o verán celta e nós celebrámolo con cabazas que, como non podía ser doutro xeito, estaban decoradas inspiradas en obras de arte e artistas.

Por uns días a entrada do cole converteuse nun museo As cabazas eran impresionantes; todas as familias merecen unha felicitación polo seu traballo pois ao derroche de imaxinación engadiron moito traballo para lograr unhas obras de arte espectaculares. Non faltaba detalle; estaban Frida Kahlo, Picasso, Dalí...  O Grito, O fillo do home, unha menina, A mona Lisa, os xirasois... e moitas inspiradas na obra de Yayoi Kusama, Kandinski ou Miró; e ata un museo!

Pero a festa non quedou aí. Todos o alumnado fixo un relato de medo e para elixir un gañador de cada aula foi moi difícil pois todos eran arrepiantes. Os gañadores leron os seus contos aos compañeiros.

E non faltaron a teacher e a profe Chus contando uns contiños.

E para botar os medos fora puxémolos nun papel e démosllos ao come-medos. Que impresión meter a man na súa boca!

Tivemos que facer 3 sesións para cumprir as normas COVID, pero aínda que non estivemos todos xuntos pasámolo de medo!

Inicio de curso 21-22

Ninguén tiña dúbida que en Rubiáns eramos artistas, pero ademais agora temos moita ARTE!!

No curso que hoxe comeza imos a aprender un montón sobre pintura, escultura, artistas..... ou sexa que este curso vai ser unha auténtica obra de Arte!

Hoxe xa andiveron polo cole algúns artistas despistados, outros decoran as paredes dos que temos que adiviñar de "quen veñen sendo"!!

Comeza unha nova aventura!! E entre todos xa fixemos as primeiras "masterpieces". Queredes velas? Pois dalle ao play!

Distribuir contido


by Dr. Radut