CEIP Plurilingüe de Rubiáns |

Exposición de casiñas de paxaros no Centro Comercial Arousa

Como xa sabedes o proxecto de reciclaxe en familia deste curso foron as casiñas para paxaros. Quedaron tan chulas que o Centro Comercial Arousa non quixo desaproveitar a ocasión para amosarllas a todos os seus clientes e visitantes.

A exposición tivo unha gran repercusión e foi moi visitada tanto nas instalacións do centro como nas redes sociais. Precisamente, a través do Facebook, fíxose unha votacion para elexir as máis fermosas e as que resultaron gañadoras foron:

No 1º lugar: Érica Vázquez Frieiro

Érica Vázquez Frieiro

En 2º lugar: Lara Rodríguez Frieiro

Lara Rodríguez Frieiro

En 3º lugar: Sofía Brea Tobío

Sofía Brea

Podedes acceder á información na súa web.

Engadir novo comentario.

UN CONTACONTOS DE MEDO!

Un ano máis celebramos o Samaín e o Halloween. Despois de entrar por un túnel do terror contáronnos un conto terrorífico e para recuperarnos tomamos unha poción máxica.

Foi un día de medo!

Insertar en Blog - collages

VISITA AO PARQUE E. VALDÉS BERMEJO

Este curso queremos coñecer un pouquiño mellor o bosque de Sabela e, que mellor forma de facelo que vendo de preto diferentes árbores? Pois alá fomos ao Parque "do Castriño" e alí Mario, técnico de xardíns do Concello, explicounos moitísimas cousas interesantes sobre diferentes tipos de árbores, a súa orixe, a súa alimentación, as sementes...

Pasámolo xenial e aprendemos un moitísimo!

Visita ao Bosque do Castriño

O alumnado de primeiro, segundo e terceiro visitamos o parque do Castriño para familiarizarnos con moitas peculiaridades das especies vexetais que alí habitan. Mario, o técnico de xardíns do Concello explicounos un montón de cousas interesantes.... Sabiades que existe un "eucalipto esponxa"?. Para rematar fixemos "fotocopias" das cortizas das diferentes árbores... Que ben o pasamos!!!!!!

Comezamos!

Como cada ano o primeiro día de cole ven cargado de nervios e emocions! Risas e alegrías por volver a atoparnos cos compañeir@s e mestr@s, algún que outro choro ( tranquis papás e mamás, non duraron moito).

Este ano o cole converteuse no BOSQUE DE SABELA, por iso durante un tempo fomos esquíos, escaravellos, lagartos.... e demais animais autóctonos. Pasámolo moi ben cuns xogos que nos tiña preparados o profe Breogán.

Os máis pequenos tamén disfrutamos dunha busca do tesouro moi entretida e de xogos moi divertidos.

Este ano empezamos o curso cun sabor moi doce!

FELIZ CURSO!

PDI 2015-16

TELEXORNAL 2015

Aquí tedes o noso "TELEXORNAL 2015", no que o alumnado de 6º da boa conta das actividades realizadas durante este curso.

Que bonito é ....... (ser muller)!!

Hoxe estrea mundial do que vai a ser o novo hit do verán..... "Que bonito é!!"

Nin sequera "O Chiringuito" poderá facerlle sombra ao derroche de creatividade e inxenio amosado polo alumnado e profesorado do centro na realización desta canción. Pronto a escoitaremos en todas as emisoras de radio... xa veremos se non levamos un Grammy!!

A canción é unha actividade máis dentro do Proxecto Documental Integrado "Mulleres na Historia" desenvolvido no centro durante este curso.

Letra e música orixinais compostas polo alumnado e profesorado do centro e a imaxe do fondo, titulada "Mujeres", é unha obra orixinal cedida pola súa autora, a ilustradora Inés Vilpi, a quen lle agradecemos enormemente a súa xenerosidade.

Telexornal 2014

Seguro que estades desexando ver o Telexornal deste ano pero como aínda tedes que agardar ata o 19, que vos parece ir abrindo boca co Telexornal do curso 2013-14?

Seguro que botades unhas risas lembrando todo o acontecido no cole o curso pasado.