O mar de Sabela

Actividades do PDI

Charla "Coñecemos a nosa ría"

O pasado luns tivemos a sorte de paticipar nunha actividade na que coñecemos un pouco máis a nosa ría e algúns dos animais que viven nela da man do GALP, que está desenrolando o proxecto "Por un futuro sostible da nosa Ría".

Luis e Begoña, de Corticata, explicáronnos a importancia dun Parque Nacional e lembráronnos que na Ría de Arousa temos 2 illas pertencentes ao Parque Nacional das Illas Atlánticas, unha delas na nosa cidade. Despois, aprendemos a recoñecer as zamburiñas, ostras, mexillóns, navallas, ameixas... e a comprender que cada especie precisa un fondo diferente para vivir (rochas, area...). Rematamos a actividade cun xogo no que tiñamos que identificar diferentes especies de peixes e moluscos e deducir que tipo de fondo mariño precisan para vivir.

Chamounos a atención escoitar que ademais de faros de luz existen faros de son que están situados en lugares con moita néboa.

Tamén nos sorprendeu moito saber que ao carón da Illa de Sálvora se producira un naufraxio, no que houbo máis de 200 falecidos e uns heroes entre os que destacaban un grupo de mulleres que foron quen de rescatar 55 persoas, pese ao mal tempo que había aquela noite.

Repercusión nos medios:

Faro de Vigo 10/12/16

Pontevedraviva 7/12/16

Guardar

Engadir novo comentario.

Magosto 2016

O venres celebramos a tradicional festa do Magosto!

Que ricas estaban as castañas que Julio nos asou co seu novo trebello! Graciñas Julio!

Despois pasámolo en grande coas "Ondas de Xogos". Divertidos xogos ambientados no mar, no Mar de Sabela claro está.

Os maiores do cole fixeron de perfectos capitáns e guiáronnos aos demais nos diferentes xogos. O marisqueo, a pesca con cana e con redes, a pesca de "arrastre" e as nasas non faltaron neste día festivo, achegándonos a estes aparellos que imos coñecer. En fin, que entre castaña e castaña convertémonos por un rato en autenticos "lobos de mar".

Guardar

Maqueta Cantarela 2016

Como cada outono participamos na elaboración dunha maqueta para a exposición que organiza a Asociación Micolóxica Cantarela.

Este ano, non podía ser doutro modo, tiñamos que facer a Illa de Cortegada e as súas variedades autóctonas de cogomelos.

Todo o cole participou dun modo ou outro na elaboración da maqueta.

Este ano ata conseguimos que os faros teñan luces!

Foi un traballo duro pero pensamos que vale a pena, non si? Que pensades?

Guardar

Engadir novo comentario.

Samaín 2016

Como cada ano o cole encheuse de cabazas para conmemorar o Samaín.

Incrible o enxeño que teñen as familias para deseñar cabazas terroríficas dentro do PDI: O mar de Sabela

Moitas grazas a todas as familias pola implicación con que participades en todos os proxectos do cole.

Despois de pasar polo túnel do terror, onde máis de un/unha a pesares de facerse o valente levou máis dun susto, escoitamos historias arrepiantes, lemos os nosos propios relatos de terror e saboreamos unha apócema noxenta.