Xa sabedes canto nos gusta recibir visitas no noso cole.

Nesta ocasión, visitounos Javier Outón Arias, capitán da mariña mercante.

Foi toda unha experiencia coñecer de primeira man o traballo dun capitán!!

Contóunos un montón de cousas moi interesantes do seu traballo. Non podiamos crer o tamaño dalgúns barcos!!! Todos queriamos saber as "aventuras" que Javier viviu en alta mar. Fixemos unha morea de preguntas.

Moitas grazas pola visita, esperamos que ti gozaras tanto como nós, e tamén por deixarnos os colmillos de cachalote e o otolito da balea. Estamos impresionados!!!

En inglés, dentro do proxecto "O mar de Sabela" (Sabela´s Ocean, como di a teacher) todos andamos polo cole cantando unha canción moi pegañenta: Baby Shark. Por iso os nenos e nenas de 5 anos quixemos facer un video clip para que se vos pegue aínda máis ;-)

Esperamos que vos guste!

Como cada ano o festival de Nadal é todo un acontecemento social en Rubiáns.

O salón queda pequeno para recibir ás familias que acoden a ver aos rapaces e rapazas na súa faceta máis artística.

Este ano, non podía ser doutro modo, o noso festival foi unha mestura de mar y tradición. Houbo un pouco de todo, dende as panxoliñas tradicionais ata todo un surtido do máis selecto dos fondos mariños.

Hoxe o alumnado de 4º, 5º e 6º tivemos unha actividade extraordinaria! Fomos limpar a praia da Concha-Compostela!!!

Dentro do programa "Por un futuro sostible da nosa ría" que está a desenvolver o GALP e moi relacionado con noso Proxecto: "O mar de Sabela" puidemos realizar esta saída ben pretiño do mar. É unha actividade tan interesante que ata nos entrevistou a tele!!

Non só limpamos a praia, antes de comezar, Luis e Begoña de Corticata contáronnos por que a praia se chama así, os naufraxios que houbo na ría, a lenda do ouro dos mouros......e o máis importante indicáronnos que tipo de "materiais" tiñamos que recoller: primordialmente os microplásticos para que non os coman as aves nin os peixes, pero tamén vidro, cabichas, papeis.....

Abraiounos a cantidade de cabichas que atopamos e tamén uns pauciños de plástico que todos pensabamos que eran de chupa chups pero resultaron ser os pauciños dos bastonciños de limpar as orellas. Así que moito coidadiño co que tiramos polo váter!!!

Cando chegamos ao final tivemos a sorte de coincidir cun grupo de mariscadores, bueno principalmente mariscadoras, que foron moi amables e quixeron falar un ratiño connosco. José Ramón, moi amablemente, ensinóunos como se usa o raño e explicounos en que consiste o seu duro traballo. Para despedirse animáronnos a estudar moito para que de maiores poidamos optar a un traballo menos duro que o seu.

Despois disto, voltamos ao cole cheíños de frío pero moi satisfeitos polo traballo realizado e coa lección ben aprendida. 

COIDA O MAR, É DE TODOS!!

REPERCUSIÓN NOS MEDIOS:

La Voz de Galicia 19/12/16 : Niños de Rubiáns limpian la playa de A Compostela (vídeo)

La Voz de Galicia 19/12/16: Limpieza de la Playa de Compostela (fotos)

Guardar

Guardar

Como cada ano ao finalizar o trimestre o cole énchese de orixinalidade e creatividade por parte das familias.

Nos últimos anos o Certame de Reciclaxe en Familia ten que ver co proxecto que estamos levando a cabo no cole e este ano, dentro do "Mar de Sabela" ocorréusenos facer "Acuarios de Refugallo".

Como podedes comprobar no seguinte vídeo a imaxinación non falta nas familias. O enxeño que demostran ano tras ano é impresionante.

MIL GRAZAS, FAMILIAS, POLA VOSA COLABORACIÓN

Coma o ano pasado, o Centro Comercial Arousa ofreceuse para facer unha exposición cos traballos realizados. Estos estarán expostos durante todas as vacacións de Nadal e o mellor valorado a través da súa web recibirá un agasallo.

REPERCUSIÓN NOS MEDIOS

La voz de Galicia, 17/12/16 "Los acuarios más originales están en Rubiáns"

Guardar

Guardar

Guardar

Guardar

Guardar