CEIP Plurilingüe de Rubiáns

Por fin chegou o tan ansiado día! O alumnado de 6° tivo a fortuna de cociñar co Richar, de La Malquerida, e coñecer como os alimentos son fundamentais para ter uns bos resultados deportivos. Humus, pementos, cenoiras, cabaciña... unha combinación perfecta para un aperitivo ou unha merenda saudables.
Despois, todo o alumnado gozou coas elaboracións que fixeron as familias inspirándose nos Xogos Olímpicos. Había de todo: aros olímpicos, fachos, biscoitos con diferentes decoracións, pesas, as tortiñas.coa receita segreda de Ana Peleteiro, tortilla francesa... Todo estaba boísimo e como non demos comido todo, mañá darémoslle boa conta.
Moitas grazas a Richard e a todas as familias. Sen vós sería imposible realizar esta actividade.

Hoxe tivemos a sorte de coñecer a Alex Vidal, parataekwondista participante en Tokio 2020.
O 4 veces campión mundial falounos de como se iniciou no taekwondo e doutros que practicou. Contounos unha morea de anecdotas e permitiunos preguntar libremente sobre calquera curiosidade que tiveramos.
Alex Vidal deunos unha lección de vida ao explicarnos como a base de ser "cabezón" conseguiu moitos fitos que poderían parecer impensables, como xogar ao voleibol, montar en bici, escribir ou abotoar un pantalón... e chegou ao deporte paralímpico.
Está moi agradecido de onde naceu e de todos os amigos, compañeiros, adestradores (ademais da familia) que tivo ao longo da súa vida, pois nunca se riron del, senón que o axudaban ou tiraban del para que conseguira novos retos.
Foi un auténtico pracer contar con el nesta aventura olímpica.

O alumnado de todas as aulas puideron realizar os obradoiros "Nós mesmas" que nos axudarán a coñecernos mellor e entender o mundo que nos arrodea con actividades e historias adecuadas a cada idade.

Esta actividade conta coa colaboración da Deputación de Pontevedra.

O alumnado de 6° tivo a sorte de poder coñecer de preto a Policía Nacional grazas á Xornada contraa violencia no deporte que organizou na Praza da Peixeiría.
Montar na súa moto, protexerse co seu escudo, deixar as súas pegadas... e recibir un premio do concurso de debuxo, foron algunhas das actividades que puideron gozar.
Foi unha xornada ben interesante!