Hoxe 24 de febreiro celebramos o Día de Rosalía co fin de homenaxear o nacemento da figura máis relevante da literatura galega.
En todas as aulas puidemos gozar de Encontros con “Rosalía” da mán dunha das nosas compañeiras que cunha marabillosa interpretación e un excelente traballo acercounos a vida e a poesía de Rosalía de Castro.
Todos os nenos e nenas prepararon un agasallo para ofrecerlle a tan grata visita, uns recitaron, outros ilustraron os seus poemas e ata houbo quen se atreveu a facer algunha creación poética para homenaxeala. Na foto podedes ver unha pequena representación dos mesmos e ao longo da fin de semana colgaremos no blog da biblioteca diferentes momentos vividos nesta innolvidable xornada.
