Prezadas familias:
Publicouse no DOG a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria.
Destinatarios:
- Alumnado matriculado en educación primaria que fose beneficiario da axuda para mercar material escolar no curso 2020/21 (vale de 50 €) NON TEN QUE PRESENTAR SOLICITUDE.
- Alumnado matriculado en educación primaria que:
- Pertenza a familias con renda per cápita igual ou inferior a 6.000 € (exercicio fiscal 2018). TEN QUE PRESENTAR SOLICITUDE.
- Alumnado matriculado en educación especial, ou suxeito a tutela ou garda da Xunta ou teña unha discapacidade igual ou superior ao 65%. TEN QUE PRESENTAR SOLICITUDE.
Nos casos de ter que presentar solicitude, esta será única para todos os fillos e fillas que estean no mesmo centro docente e deberá entregarse presencialmente no colexio entre os días 16 e 27 de novembro xunto coa documentación que se sinala na orde.
O horario do centro para poder realizar este procedemento administrativo é, de luns a venres, de 12:00 a 13:00.
Nos adxuntos que facilitamos teñen acceso á convocaria e ao formulario de solicitude. Tamén poden solicitalo chamando por teléfono ao centro e entregaríamosllo ao seu fillo ou filla.
Un saúdo.
