Prezadas familias:
Este curso 2019/2020 chegou ao seu fin dunha maneira diferente e atípica. Ninguén de nós podería imaxinar que iamos rematar así.
Queremos despedirnos, tanto o Equipo directivo como todo o profesorado do centro, agradecéndolles a axuda que nos prestaron nas súas casas cos traballos que lles enviamos ao alumnado durante todo o estado de alarma. Sen a súa colaboración o traballo telemático co noso alumnado non sería posible.
Moitas grazas pola súa disposición durante todo este período de tempo. Agardamos que a situación mellore canto antes para poder ir volvendo á normalidade.
Reciban un afectuoso saúdo de todo o equipo docente do colexio.
