Segundo o calendario escolar as vacacións de Semana Santa abranguen dende o 6 ao 13 de abril, ambos incluídos. Durante eses días o profesorado do CEIP de Roxos non proporá novas actividades escolares.
O 14 de abril renovaremos a proposta escolar traballando como ata o momento, salvo novas instrucións da Consellería.
A partir de hoxe, os boletíns da 2ª avaliación chegarán ás familias a través da aplicación abalarMóbil. Picando aquí podedes consultar a información que foi colgada fai uns días na páxina web.
Quedamos á vosa disposición e aproveitamos para enviarvos unha agarimosa aperta.
