CLASES DE CHINÉS
loli — Ven, 27/09/2024 - 09:08
A Escola Oficial de Idiomas de Lugo volve ofertar, de maneira gratuíta, clases extraescolares de chinés no noso centro.
A actividade vai dirixida ao alumnado de 3º, 4º, 5º e 6º de primaria e levarase a cabo os martes de 16.00 -17.00h para novo alumnado e de 17.00 -18.00 h. para o alumnado que xa estivo matriculado o curso pasado.
A profesora nativa que impartirá as clases está realizando unha estadía na EOI de Lugo grazas ao programa de profesorado voluntario do CLEC (organismo dependente do Ministerio de Educación chinés), en colaboración coa Consellería de Educación da Xunta de Galicia.
O alumnado interesado en matricularse nesta actividade deberá inscribirse na Secretaria do centro.
A data de comezo aínda non está fixada pero, trataríase de comezar ao mesmo tempo que o resto das actividades extraescolares.
O alumnado participante adquire uns coñecementos básicos de pronuncia e escrita en lingua chinesa dun xeito lúdico e mellorando a competencia intercultural sen ningún custo económico para as familias.
Para o Departamento de Chinés da EOI de Lugo, actividades de colaboración como estas serven para introducir a lingua chinesa a idades temperás, eliminar os prexuízos que existen sobre a dificultade deste idioma e atraer alumnado aos cursos regulares.
Animade as vosas fillas e fillos a inscribirse nesta actividade.
O tempo
O tempo en Lugo
+12
°
C
+12°
+10°
Lugo
Jueves, 16
| Martes | +12° | +10° | |
| Miércoles | +13° | +7° | |
| Viernes | +7° | +1° | |
| Sábado | +5° | 0° | |
| Domingo | +6° | 0° | |
| Lunes | +6° | 0° |
Previsión para 7 días
Blogs
Proxectos
