Que tal familias??
Estamos a pasar unha situación que é nova para todos, pero con paciencia conseguiremos traballar xuntos.
Como podedes ver os mestres e mestras están a colgar as tarefas na aula virtual da páxina web do cole, tendes que familiarizarvos con ela.
Dende o departamento de orientación vou a indicar unha serie de pautas para que teñades en conta á hora de traballar cos nenos e nenas:
- Aínda que están na casa é importante establecer unha serie de rutinas diarias. Xa sabemos que temos que ser máis flexibles pero e importante que manteñan certo orde
- Dedicádelle ao menos unhas 2 horas diarias ás tarefas do cole que vos envían os mestres/as, organizádevos segundo poidades, tendo en conta aspectos como: irmáns, traballo dos pais, situación familiar…
- Ademais das tarefas da Aula Virtual é moi importante que os nenos e nenas lle adiquen un tempo á lectura.
- É moi importante tamen que realicen algún exercicio físico, se teñen terraza ou xardín estupendo, e senón bailar ou facer pilates ou ioga (en youtube hai multitude de videos).
- Non se deben deitar moi tarde, xa sabemos que ao non ter cole nunca teñen présa por ir para a cama, pero sería moi recomendable que se deitaran a unha hora prudente, porque senón ao día seguinte levántanse moi tarde e rompe toda a rutina.
- Na medida do posible o mellor sería facer as tarefas escolares pola mañá, pola tarde facer as cousas máis lúdicas (xogos, deporte, baile…), e o tempo de lectura sería moi beneficioso antes de durmir. Pero depende de cada familia, xa que hai casas con máis de un irmán e solo un ordenador .
No apartado de orientación da páxina web do centro colguei un artigo que pode ser de moita utilidade para as familias, se podedes dedicádelle 5 minutiños a botarlle unha ollada, sempre pode ser unha axuda.
Para calquera consulta ou dúbida podedes poñervos en contacto conmigo.
Un saúdo e moito ánimo.