Skip to Content

Curso 2015-16

DESPEDIDA 6º EP

Ven, 24/06/2016 - 16:05 — admin

Estancia de 3 días en Alvarella

Luns 13 de xuño:

  • Andaina polas Fragas do Eume.
  • Estampado de camisetas.
  • Velada: "Romanos" contra "Castrexos". (Unha "loita" con armas moi sofisticadas: xiz, cordas e pinzas da roupa.)

Martes 14 de xuño:

  • Enerxía (paneis fotovoltaicos, paneis térmicos, forno solar), bioconstrución e reciclaxe.
  • Repostería: Elaboración de magdalenas que, por causa do mal tempo, non se puideron facer no forno solar.
  • Elaboración dun ambientador.
  • Piscina. (Despois de tanto desexalo conseguimos ver o sol!)

Mércores 15 de xuño:

Se a estas actividades unimos as boas condicións xerais do albergue, o bo facer dos monitores/as, a riquísima comida e a marabillosa experiencia de convivencia... temos como resultado unha excursión XENIAL!

Rapazas e rapaces de 6º... BOA SORTE E ATA SEMPRE!

 

PROGRAMA ATRÉVETE 2016: PREMIO NO CEIP RECIMIL!

Ven, 03/06/2016 - 15:28 — admin

PARABÉNS A SOFÍA, a nosa alumna de 6º de EP que no día de hoxe recibiu de mans do Conselleiro de Educación, un dos premios ATRÉVETE 2016. O acto tivo lugar hoxe, 3 de xuño, ás 12:00 horas no Auditorio da Biblioteca e Arquivo de Galicia da Cidade da Cultura (Santiago de Compostela). O premio consistiu nun diploma e unha tableta, e, por suposto, tamén queda a satisfacción polo traballo ben feito.

   Premer na imaxe para vela no seu tamaño orixinal.

Ao longo deste curso os alumnos/as de 6º, como participantes no programa Atrévete, aprenderon como funciona unha empresa. A partir de aí como proxecto conxunto, iniciouse a actividade dos "Venres Doces", co fin de axudar a financiar a excursión de fin de etapa. Ingresos, gastos, publicidade, promocións... foron conceptos cos que se estiveron familiarizando. Pero tamén coñeceron modos de financiación de proxectos, novos xeitos de emprender, a utilidade da rede, Internet como recurso empresarial...

Ademais cada neno/a presentou un proxecto, e o de Sofía foi un dos 23 premiados nun total de 2.115 traballos presentados.

EXCURSIÓN A BETANZOS

Xov, 19/05/2016 - 23:14 — admin

Os nenos e nenas de 3º e 4º  de E. Primaria fomos de excursión a BETANZOS. Ademais de desfrutar dun día de sol espléndido, fíxonos moita ilusión ir en tren, para moitos de nós foi a primeira vez que utilizamos este medio de transporte.

Xa  dende o tren, vimos paisaxes moi bonitas e as estruturas que se están construíndo en Fene para colocar xeradores e aproveitar a enerxía eólica.

Chegamos a Betanzos e percorremos o casco histórico, da que  foi unha das vilas máis importante na Idade Media, e ademais, Betanzos foi unha das sete provincias do Antigo Reino de Galicia.

Paseando pola p do río Mandeo chegamos  ao PARQUE DO PASATEMPO, construído hai uns cen anos por dous irmáns  de Betanzos que emigraron  a Arxentina, fixeron fortuna, e ademais de facer escolas para os nenos e nenas de Betanzos, quixeron representar neste parque o que ían vendo polo mundo que percorreron, para darllo a coñecer  aos seus veciños.

Pareceunos impresionante, vimos estatuas, grutas,  estanques con parrulos, cisnes , gansos, e meténdonos por unha gruta chegamos á terraza donde nos sorprendeu un enorme león de pedra.  Dende esa terraza divisamos toda a vila.

Despois de comer fomos xogar a un labirinto vexetal, cerca del vimos unha gansa  incubando ovos, sorprendeunos como o macho se poñía  en garda cando nos achegabamos a ela, pensaba que lle podíamos facer dano!!!!

Regresamos no tren cansos pero moi contentos de ver tantas cousas que nos sorprenderon e espertaron a nosa curiosidade.

Premendo na imaxe podedes ver todas as fotos desta marabillosa excursión.

CORRELINGUA

Mér, 11/05/2016 - 08:45 — admin

 

Hoxe, 10 de maio, o alumnado de 5º asistimos ao Correlingua. Pasámolo moi ben; iso si, preocupados ao principio, xa que dixeron que a nosa lingua desaparecera (buscámola e atopámola, que susto!). Felices, ao final, pois comprobamos que seguimos a ter lingua e somos quen de cantar, bailar e gozar!!!! Vémonos o vindeiro ano!!!!

 

ACTIVIDADES ABRIL 6º PRIM

Mar, 03/05/2016 - 16:01 — admin

 

  O alumnado de 6º curso fixemos as seguintes actividades:

_ Obradoiro de Física.

_ Visita a un centro de traballo para aprender as novas formas de traballo en equipo: axuda para a financiación de proxectos e orientacións para fomentar a iniciativa de pequenos emprendedores. Todos aprendemos moito. 

_ Día do pobo Xitano: Coñecemos moitas cousas dos costumes e tradicións deste pobo.

_ Traballos para conmemorar o catrocentos aniversario de M. de Cervantes e mural do escritor galés Roald Dahl (feito por un alumno de 6º).

 

Santiago

Sáb, 30/04/2016 - 21:29 — Anónimo

 

O 22 de abril, o alumnado de 5º de EP fomos a Santiago, alí fixemos moitas visitas. Primeiro, ao Parlamento Galego, sentímonos moi importantes, pois puidemos debater, primeiro na Biblioteca, que era impresionante de grande, e despois nas salas dos partidos e... no Salón de Plenos!!! Ademais agasalláronnos co libro "Icía quiere cambiar el mundo", que estamos desexando ler (pisar as alfombras deu moito gusto, moitos querían quedar durmir nelas, hahaha!). Máis tarde, fomos á Catedral de Santiago, Fina foi unha guía excepcional, explicounos moito da Idade Media e do Románico, saímos abraiados con tanta beleza. Despois comemos na Alameda, xogamos un pouquiño e visitamos o MUPEGA. Alí recibíunos un profesor moi agradable, que nos ensinou como eran as aulas hai uns anos, puidemos utilizar o pizarrín, (prehistoria total, hahaha!), tamén vimos moitos xogos e unha exposición temporal que nos encantou, tiñan dende una maqueta dos planetas ata os mapas de España ao longo da historia, chamáronnos moito a atención pois estamos estudando iso.

Ana Alonso

Mér, 27/04/2016 - 17:55 — Anónimo

 

O pasado 19 de abril, veu ao noso centro a escritora Ana Alonso, autora do libro "La Senda Escondida" que lemos o alumnado de 5º e 6º de EP. O libro é do máis entretido; gustounos moito, tanto lelo como facer as actividades. A autora, Ana Alonso, é moi simpática, divertida e expresiva; ten máis libros nesa colección, "Pizca de Sal", que seguro que serán tan interesantes como o que lemos. Pedímoslle que escribise unha segunda parte e dixo que o ía pensar, ogallá que o faga!

8 de abril, Día do Pobo Xitano

Dom, 10/04/2016 - 15:55 — admin

 

O día 8 de abril celébrase o Día Internacional do Pobo Xitano e nós no centro, e a suxestión de Laura e Lucía, que levan o plan sociocomunitario de Recimil, quixemos conmemoralo escoitando a Faustino que nos falou da procedencia dese pobo, da súa cultura, tamén aprendemos algunha palabra romaní,e sorprendeunos moito a cantidade de xitanos famosos que hai, entre eles moitos futbolistas; pero... sabedes que a primeira muller que deu clases nunha universidade europea, foi xitana??????, e que Charles Chaplin era xitano?, pois si, os seus pais abandonárono e foi adoptado por unha familia xudea, mais el sempre se sentiu moi fachendoso da súa orixe xitana; que se lles chama xitanos porque pensaban que viñan de Exipto e chamámballes Exiptanos, o que derivou en xitanos; que o de paios procede de paiés, campesiños de Cataluña. Moitas grazas, Faustino!

Visita á exposición das abellas

Xov, 07/04/2016 - 21:15 — admin

O alumnado de Primaria tamén asistiu á exposición que, sobre as abellas, tivo lugar no Centro Cultural Carvalho Calero. Foi moi interesante, chamounos moito a atención o de que haxa xente que se trate con picaduras de abellas, xa que, din, teñen propiedades antiinflamatorias. Tamén o de que as abellas adoitan ser as nosas amigas e pódese tratar con elas sen traxe. O que non nos gustou nada, pero nada, nada, foi o da avespa velutina (tedes a diferenza entre elas na galería de fotos), está a acabar coas nosas abellas. Son moi malas, xa que esperan a que saian as abellas da colmea para atacalas. en youtube hai moitos vídeos que mostran como están acabando coas nosas colmeas. Sospéitase que se introduciu en Europa coa importación dos caquis.

Día Mundial da Concienciación sobre o Autismo

Xov, 07/04/2016 - 18:23 — admin

 

O día 2 de abril, fomos á praza de Armas a apoiar aos nenos autistas, nós tamén quixemos e queremos darlles visibilidade. Alí escoitamos as súas mensaxes, fixéronnos saber que teñen os mesmos sentimentos, as mesmas ilusións, os mesmos soños... que cada un de nós. Pasamos o testemuño, que é o da foto, e soltamos globos azuis. Ao remate do acto, fomos dar un paseo por Canido para ver as Meninas.

Distribuir contido


by Dr. Radut