O día 13 de maio os nenos e nenas de 5º de primaria asistimos na Aula de Ecoloxía Urbana ao obradoiro “Rastros e sinais” no que nos explicaron como saber que animais salvaxes habitan nun lugar observando os sinais que deixan, xa que é moi difícil velos porque se agochan ante a presenza das persoas.
Os rastros que podemos observar son as súas pegadas no chan, restos de comida, excrementos, cunchas, plumas e mesmo esqueletos dos propios animais mortos.
Ao rematar as explicacións gravamos en escaiola pegadas de raposo, merlo, gato, ourizo e cunchas que nos mostraron en arxila e que foran recollidas do chan en varios lugares.
Resultou unha actividade moi interesante.
