Visitamos o Concello, onde nos recibiron a concelleira de Educación e o alcalde. Estivemos na Sala de Recepcións, na Sala dos Alcaldes e no Salón de Plenos.
Logo fixemos un percorrido para ver algunha das casas proxectadas por Rodolfo Ucha (importante arquitecto modernista ferrolán) como: a Casa Pereira, a Casa Romero, o Casino Ferrolán...
Tamén estivemos na Praza de Amboaxe e nos Xardíns de Herrera, dende onde tiñamos unha preciosa vista da ría de Ferrol e do Arsenal.
