Xa co inicio do mes de febreiro empezaron a artellarse os disfraces nas aulas, e seguindo o proxecto de centro deste ano, o tema escollido foi o dos oficios.
O luns día 20 metémonos de cheo no Entroido co Meco e os seus mandados, cos ensaios das coplas e co sorteo da cesta do Entroido.
O xoves, o alumnado de 6º levou a xuízo ao Meco e encargouse da lectura do seu testamento.
E xa no venres, como remate deste Entroido 2017, o tradicional desfile de comparsas polo barrio seguido pola execución da condena do Meco. Ademais dos seguintes vídeos tamén se poden ver as imaxes das comparsas de cada aula aquí e máis fotos na galería.
