Levamos unhas semanas descubrindo ao autor ao que se lle dedican as Letras Galegas neste ano. E desde o EDLG animamos ao alumnado a que visionase os carteis-xogo onde podían coñecer máis sobre a vida de Francisco Fernández del Riego. Só tiñan que resolver os xogos e cubrir os seus datos para poder participar no sorteo dunha chea de premios. E así o fixeron masivamente. Pero, claro, só podía haber un fato de premiados e premiadas.

Ademais disto, o alumnado de 6º de EP preparou a representación dun conto (O cataventos) de M. Victoria Moreno para ir contarllelo ás aulas de EI e do 1º ciclo. Lembrando así o que fixeramos no colexio hai 5 anos por estas datas. Mira que preparadas e preparados ían.

Grupos de nenas e nenos dos máis maiores do cole acudiron ás clases das pequeniñas e pequeniños para exercer de contacontos. Cracks da representación!

E, claro, a rapazada máis noviña da escola estaba encantada vendo a don Pío.

Prezadas familias:

As súas fillas/os levaron unha circular na que se lles convida a participar nunha enquisa para mellorar a convivencia escolar. Poden acceder á enquisa a través deste enlace:

https://edu.xunta.gal/convfamil

Pediráselle unha clave/código para entrar, que é a que figura na circular que hoxe levaron para a casa. Se tivese algún problema ou precisase un novo código, pode poñerse en contacto coa dirección do centro.

O prazo para cubrir a enquisa remata o día 22 de maio. A súa opinión e moi importante e valiosa, polo que lle agradecemos a súa colaboración e participación.