Sabemos que isto é novo para todos/as.
Os/as mestres/as estamos facendo todos os esforzos para que a volta ao cole sexa segura.
Pedimos comprensión e que cumplades as novas medidas.
COMO ACTUAR AO CHEGAR AO COLE
Se chegas en coche espera dentro del a que sexa a hora de entrada do teu grupo.
Non estacionar o automóvil perto das portas de acceso (recoméndase estacionar na esplanada
do torreiro da festa ou nas inmediacións do campo de fútbol).
Chega puntual, nin moi cedo nin despois da túa hora de entrada. Se chegas tarde terás que esperar a que remate de entrar o alumando de Infantil (que entra ás 09:05).
Non esperes na entrada da escola nin na calzada, tenta facelo na beirarrúa separándote das
demais persoas.
Sube as escaleiras detrás da persoa que teñas diante, non ao seu lado.
Deixa a distancia suficiente con respecto á persoa que tes diante, uns 4 escalóns aproximadamente. Non corras, sube tranquilo/a.
Se un alumno/a de Infantil vai a entrar co seu irmán maior, as familias non suben con el (se polo contrario as familias queren acompañalo terá que subir na franxa horaria que lle toca, que será as 9:05h).
Non deas marcha atrás. As familias de Infantil que teñen a entrada pola porta dianteira non terán que dar volta todo o recinto, xa que delimitaremos o chan cunhas frechas para que non haxa cruzamentos.
Moitas grazas pola vosa colaboración
