Biblioteca

           Estas  son as algunhas das novas adquisicións da nosa biblioteca!!

         Achégate na hora de ler ou nos recreos e pasa un rato entretido connosco!!

Bo día rapazas e rapaces!

Aquí vos mostramos algunhas das actividades que fixemos para conmemorar o  "Dia do Libro"

Compartimos divertidos momentos de recreo lendo e creando un fantástico mural! Esperamos que vos gusten! 

        Como todos os anos, celebramos o "Día de Rosalía" na escola. A verdade é que estivemos ocupadísimos traballando, investigando e, sobre todo, desfrutando coas súas obras. Para mostra, todos estes traballos que tivemos expostos no recanto da entrada: poemas ilustrados, murais, elaboración de libros, minilibros coa súa biogarafía, mostra da súa obra... e ata decoramos os chanzos das escaleiras cos seus poemas, para que nos alegren a vista cando entramos!

 Ola de novo!

Coa chegada da primavera queremos presentarvos algúns interesantes libros recén chegados.

Animádevos a pasar polo andel de NOVIDADES, poderedes atopar… títulos como “A vida diaria dos romanos”, “O Diario de NiKi” , “As pombas de Bastián” e… tamén increíbles libros sobre o corpo humano e libros de poesía…entre outros.

Non deixedes de visitarnos!

          Xa que a paz é un tema que temos que ter presente todos os días, no cole levamos varias semanas traballando, lendo,  reflexionando  e deixando unha pegada moi visual para que o teñamos sempre presente.

          Ao mesmo tempo que reflexionamos sobre como encaramos os nosos conflitos e como podemos aprender a resolvelos, tamén nos achegamos a lecturas que nos axudan nesta tarefa, seleccionadas para esta ocasión e ubicadas no recanto de entrada do cole.

          Despois, entre familias e profesorado prepararon a base do mural, pintando no muro do pavillón, para que nós puideramos deixar a nosa pegada escribindo palabras ou facendo debuxos alusivos á paz.