Bo día amiguiños/as! Estades todos ben? Xa case rematamos o curso, estamos na penúltima semana, o tempo pasa voando.

Xa lle dimos un repaso a todas as materias de cuarto; por iso, esta semana e a seguinte imos ser ARTISTAS.

Mandámosvos cinco poemas, de cada un deles, tedes que facer unha obra de arte. Primeiro tedes que ler ben o poema para entendelo, saber de que nos fala, que nos conta e, cando o teñades claro, empezades a pensar en como levalo ao papel.

Pode ser so un debuxo coloreado ou unha manualidade empregando os materiais que se vos ocorran e teñades a man. Tamén podedes combinar técnicas. Como son cinco, facedes un cada día da semana.

IMAXINACIÓN AO PODER!!

Por último, pedímosvos que nos escribades unha carta na que plasmedes o que foi este curso para vós, na que contedes as vosas vivencias no tempo que tivemos que estar na casa, as vosas primeiras saídas e como estades levando esta volta, ós poucos, á normalidade. Pensade no próximo curso e contádenos como vos gustaría que fose, que esperades del…

Escribide todo o que vos apeteza contarnos, estaremos encantadas de ler esas cartas que nos achegarán a vós.

Recordade que estas tarefas son para estas dúas últimas semanas. Na  páxina web do cole a próxima semana non aparecerá traballo para cuarto, isto é o último.

A data límite para que nos enviades os traballos de plástica e a carta é o martes 16 de xuño.

                    Moitos bicos.

                                            Begoña e Mª José.