FESTA DOS MAIOS!

Os nenos e nenas de educación infantil participaron na tradicional festa dos maios, traballando con moita alegría e cor .

Convertéronse en auténticos granxeiros e elaboraron o seu propio maio.

Son uns artistas!

Os máis pequenos aprendemos moito na visita ao museo do mar.

Coñecemos fantásticos animales mariños e limpamos o mar entre todos.

Mirade que ben pescamos coa cana!

Para conmemorar a semana do libro, en infantil inventamos o noso propio conto. Empezamos completando os ocos dentro dun texto, e rematamos inventando o noso propio desenlace. Na imaxe poderedes ler o conto coas partes inventadas polas nenas e nenos resaltadas en laranxa.

Os mércores gozamos moito coas sesións de ioga. Aprendemos as posturas dos animais e axúdanos a relaxarnos.

Mirade que concentrados están os máis pequenos!!!

Os máis pequenos traballamos a primavera fóra e dentro da aula. Coidado cos caracois!

O pasado venres festexamos o Día Mundial da Saúde con un mural no que as alumnas e alumnos recoñecen e representan o que necesitamos para estar sans. Os nenos/as recoñeceron a necesidade de descanso, de actividade física, de respirar, de amor, de coidado, de ledicia, de hixiene dental, de coidados médicos e dunha dieta saudable.

A semana anterior celebramos o Día Mundial dos Dereitos do Consumidor mercando nunha tenda de xoguetes dentro da aula. 

Con motivo da semana da prensa, elaboramos este xornal con novidades que as nenas e menos escolleron da súa actualidade. Esperamos que vos guste!