Skip to Content

Actividades

Extraescolares - ANPA 2023/24

Ven, 06/23/2023 - 14:46 — admin

 

Para as familias interesadas,
aí van as follas informativas e de inscrición para as actividades extraescolares.
 
Calquera dúbida ou observación, avisade, por favor.
ANPA As Brañas do CEIP Ramón Cabanillas
anpa.ceipramoncabanillas@gmail.com

Entroido 2023 no CEIP Ramón Cabanillas

Ven, 02/17/2023 - 14:34 — Anónimo

Estimadas familias do CEIP Ramón Cabanillas.

Queremos agradecer toda vosa colaboración nesta celebración: na elaboración dos traxes, no respecto á comitiva durante o paseo polas rúas.

Queremos agradecer tamén á Protección Civil de Santiago de Compostela pola súa colaboración para cortar o tráfico durante a hora que durou o paseo.

Sentímonos afortunadas e afortunados de formar porte da Comunidade Educativa do Ramón Cabanillas.

Grazas tamén a todo o profesorado e o equipo de Extraescolares,

Feliz entroido e descanso,

Podedes ver as imaxes á continuación, grazas.

Comezamos a celebración do LIBRO

Mér, 04/20/2022 - 20:42 — admin

 

Esta semana con motivo da Semana do Libro, que durará unha quincena.

Queremos animar ao alumnado desde todas as aulas á lectura. Neste caso a proposta do equipo de Biblioteca (apoiado pola dinamización da lingua galega) fixo un chamamento ao alumnado de 6º que participa de colaborador/a de biblioteca e que a puxo a andar, neste curso tan complicado, temos que dicir que a colaboración foi tal, que temos que deixar algún contacontos para Maio, con motivo das letras.

Así o alumnado de 6º está indo polas aulas de infantil para contar un conto. Esta é unha ilustración deste primeiro día.

Grazas rapaces e rapazas, sen vós: nós non somos.

Non deixes de ver que máis cousas preparamos nos documentos adxuntos: Calendario e Programa.

 

Cans no CEIP Ramón Cabanillas

Mér, 04/20/2022 - 20:20 — admin

Con motivo da CIENCIA os grupos de 2º curso de EP conxuntamente co equipo de extraescolares concordaron esta actividade á que todo "o mundo" do centro se animou a participar. Desde Infantil, as impulsoras da iniciativa ata 6º curso. 

Mañá remata o evento, pero queremos deixar aquí unha breve reseña, que pronto será escrita con material sobre a asociación que nos visitou e as formas de colaboración que temos. Sobre todo, no interese que pode ter, no caso de que sintamos a necesidade de que un can entrenado poida coidar de nós.

De momento, unhas imaxes ilustrativas.

Celebra coas Tanxugueiras o Día Internacional da Lingua Materna

Xov, 02/17/2022 - 17:04 — admin

Desde o CEIP Ramón Cabanillas, facemos eco deste evento: Día Internacional da Lingua Materna

  • Entrada libre ata esgotar a capacidade do espazo
  • O evento dura sobre unha hora
  • Data: 20 de febreiro, ás 11.30 h. é importante que veñas antes, para non quedarte fóra.
  • Lugar: xardín do teatro da Cidade da Cultura

Este ano, a Xunta de Galicia celebra o Día Internacional da Lingua Materna o día 20, domingo, para favorecer a participación dos nenos e nenas e as súas familias. Faino cun breve acto institucional e cunha actividade de dinamización lingüística que contará coa presenza das Tanxugueiras e do grupo de música infantil Trotaventos. 

As Tanxugueiras son a revelación que puxo a música galega e en galego nas bocas de nenos e mozos de toda Galicia. Coa súa reivindicación da tradición e da lingua como ferramentas que nos ligan co pasado, pero que nos proxectan tamén cara ao presente e o futuro e que nos permiten abrirnos ao mundo desde as nosas raíces, representan todos os valores que se queren transmitir coa celebración do Día Internacional da Lingua Materna.

Completa a festa o concerto A fiestra dos soños, do grupo Trotaventos, que afonda nas músicas tradicionais de Galicia e do mundo, todas ao alcance da nosa man interpretadas en galego.É un acto de entrada libre ata esgotar a capacidade do espazo e, por tanto, aberto a todos os nenos e nenas que desexen asistir e ás persoas acompañantes.

Actividade organizada pola Subdirección Xeral de Planificación e Dinamización LingüísticaSecretaría Xeral de Política LingüísticaConsellería de Cultura, Eudación e Universidade

 

Magosto 2021

Ven, 11/12/2021 - 17:40 — admin

 castañas asadas

Castañas asadas pola ANPA das Brañas

Despois dun ano difícil, dun ano complexo no que non puidemos celebrar este evento…, o CEIP Ramón Cabanillas recupera o sorriso cun MAGOSTO colaborativo.

Cun sorriso compartido.

Alumna gozando do magosto

Un sorriso que vale máis que 1.000 palabras

1) A ANPA “As Brañas” (pais e nais voluntarios) trouxo castañas que asaron nas grellas cedidas xentilmente pola Agrupación Folclórica Colexiata do Sar, durante toda a mañá.

GRAZAS!!!

2) O profesorado fixo unha organización de clases especial e preparou recursos específicos inclusivos, para celebrar todas e todos, con xogos populares este evento. Os nosos coidadores, a nosa conserxe e o persoal traballador do centro (limpeza e administración) fixeron da mañá un lugar seguro no que estar.

GRAZAS!!!

3) E que dicir do alumnado do CEIP Ramón Cabanillas?
Os grupos de sexto, unidos pero non revoltos (a COVID aínda non nos deixa), colaboraron guiando por quendas ao resto dos grupos do cole (cuxo comportamento foi fenomenal!) no desenvolvemento das actividades realizadas no exterior (xogos e degustación de castañas). Isto foi posible grazas ao labor organizativo e de preparación dos docentes de educación física.

Colaboradores de 6º A

Colaboradoras/es de 6ºA

Colaboradores de 6º B

Colaboradoras/es de 6ºB

GRAZAS!!!

  • Fácil? Non
  • Posible? Si

Xuntas/os facemos da aprendizaxe un proceso de equipo, de sociedade, no que todas/os participamos: CONVIVIMOS.

Grazas a toda a Comunidade Educativa do CEIP Ramón Cabanillas e Feliz Magosto!!!

Algúns membros da ANPA

Algúns dos pais e nais voluntarios da ANPA As Brañas 

 Pincha na galería de imaxes. Pode que te atopes.

CELEBRAMOS O SAMAÍN 2021

Ven, 10/29/2021 - 13:12 — admin

Este ano celebramos no cole o Samaín, o que outros chaman Hallowen.

Podedes ver as fotos na galería de imaxes do cole.

Preme na imaxe e entrarás directamente. 

 

Ademais na aula virtual da Bibiblioteca poderedes ver os vídeos e escoitar audios dos contos interpretados polo alumnado e algunha nai, están terrorificamente interpretados!

Entra na Biblio en "Acceso como convidado" e escribe convidado.

Ademais do traballo realizado polo alumnado e as familias desde as casas e nas titorías no colexio, esta celebración non tería sido posible sen a coordinación da mesma por parte dos equipos de Biblioteca, TIC, Linguas Estranxeiras, dinamización das linguas e extraescolares.

Grazas a todas/os pola vosa colaboración e até a próxima!

ENTREGA DE PREMIOS

Ven, 06/18/2021 - 17:49 — admin

Hoxe, 18 de xuño, realizouse a entrega de premios aos gañadores/as do concurso organizado pola ANPA. Aquí tedes a galería de fotos.

FESTA FIN DE CURSO ANPA

Mér, 06/14/2017 - 23:00 — admin

O 22 de xuño ás 16:30 a ANPA vai celebrar no Centro unha festa merenda para todas as nenas e todos os nenos do Cole, que en todo caso deberán vir acompañados dun adulto responsable.

Na merenda cada familia poderá traer a comida que prefira, a bebida será aportada pola ANPA.

PLANTACIÓN

Mar, 06/13/2017 - 09:00 — admin

Xornada de plantación no horto escolar das Brañas de Sar organizada pola ANPA.

O alumnado de 5º de primaria plantou ceboliño, cilantro, romeu, tomiño, perifollo, albáfega, ourego, salvia e outras aromáticas, foi  acompañada dunha explicación de cada unha delas.

ENCONTRO

Mér, 05/04/2016 - 10:09 — admin

Organizado pola ANPA estase levando a cabo un encontro sobre habilidades sociais, impartido polo pedagogo Ramón Molina, celébrase os días 3 e 10 de maio na biblioteca do Centro

Máis información

PLANTACIÓN ED. INFANTIL

Xov, 06/04/2015 - 23:00 — admin

Agradecemos unha vez máis a colaboración da nais e pais na continuación da plantación realizada no Cole, agora co alumnado de Educación Infantil.

PLANTACIÓN

Lun, 05/25/2015 - 12:44 — admin

A proposta da ANPA realizouse unha plantación de érbedos, loureiros e viburnum no patio do Colexio. Pola tarde un grupo numeroso de pais/nais completaron as tarefas que non poideron rematar pola mañá os cativos/as.

Distribuir contido


by Dr. Radut