Responder ao comentario
EXPOSICIÓN LECCIÓN DE ARTE NO MUSEO THYSSEN.
LECCIÓN DE ARTE.
UN ANAQUIÑO DO NOSO FACER NO MUSEO THYSSEN DE MADRID.
O luns 6 de novembro, inaugurábase a exposición colectiva Lección de arte con presenza de obras de importantes artistas do panorama actual da arte e tamén do alumnado de dez centros educativos do estado, e dos que formamos parte, os nenos e nenas de E.I do CEIP A Ramallosa, coa obra colectiva BIG VALISSE. Ademais, os mestres e mestras que participamos, tamén aportamos o noso grauciño de area con dúas instalacións realizadas no Museo, nun curso de formación co colectivo BASURAMA, no mes de xullo. Se paseades por Madrid, non deixedes de visitar a sala 44 do Thyssen. Aquí vos queda unha pequena reportaxe da nosa pegada.
Lembrades de que se trataba? Era a maleta viaxeira que nos visitou alá no mes de xaneiro deste ano e que foi deseñada como un proxecto intercentro que comezou a súa andaina en Vigo en novembro do 2016 e rematou viaxe en xuño do 2017, logo de percorrer 10 centros educativos de toda España. O obxectivo era coñecer a obra de dous artistas, Kurt Schwitters e Joseph Cornell, traballando conceptos como a obra colaborativa, museo portátil, territorio, pertenza, metamorfose ou o obxecto cotidiano. Se premedes na foto podedes lembrar o noso traballo.
