Presentamos o logo gañador que representará ao noso Proxecto Documental Integrado deste curso,
A Volta ao Mundo
Parabéns a Sara V. M. de 5ºB de Ed. Primaria
Grazas ao alumnado pola participación, todos os debuxos ocuparán un lugar especial durante estes meses.
Apertura de prazo de matrícula para novo alumnado no curso 2024/2025
Do 20 ao 30 de xuño de 2024
APERTURA DE PRAZO PARA SOLICITAR COMEDOR E TRANSPORTE CURSO 2024/2025 PARA ALUMNOS MATRICULADOS NO CENTRO
DO 10 DE XUÑO AO 20 DE XUÑO DE 2024
Apertura de prazo para a participación no fondo solidario de libros de texto e axudas para adquirir libros de texto e material escolar.
Prazo do 21/05/2024 ao 21/06/2024 (ambos incluídos)
Conmemoramos o Día das Letras Galegas no colexio con diferentes actos e actividades. Como sabedes, a autora homenaxeada este ano é Luísa Villalta.
Desde o Equipo de Dinamización da Lingua Galega propúxose a elaboración dun conto cooperativo sobre a figura da autora coa participación de todos os grupos do cole. Cos traballos realizados elaborouse un produto en vídeo empregando o croma da biblioteca. Compartimos o resultado final, froito da colaboración dos equipos de Biblioteca, TICS e Dinamización da Lingua Galega
O luns, 6 de maio, faremos un programa especial de Radio Rabadeira.
Conmemorando o 50 aniversario, o programa será no Salón de Actos ás 12 horas. Podedes asistir a él como público, tendo prevista a duración sobre 1 hora e media, pregamos puntualidade.
Tamén podedes seguir o programa a través da emisión en streaming en youtube, entrando en:
https://www.youtube.com/watch?v=NDJezDNXafQ
Rematado o prazo de presentación de solicitudes de admisión en centros docentes sostidos con fondos públicos para os alumnos/as de nova incorporación, a dirección do centro comunica que no caso das solicitudes para os cursos de infantil non é necesario baremar xa que as solicitudes non superaron o número de prazas dispoñibles.
No caso das solicitudes presentadas para os cursos de primaria dende o 21 de marzo ata o 5 de abril de 2024 ábrese o prazo para entregar a documentación xustificativa dos criterios de baremos alegados marcados na solicitude de admisión presentada. Se xa autorizaron a consulta ou entregaron a documentación non é necesario volver a entregala.
Posteriormente e conforme co artigo 35 da Orde do 21 de outubro de 2022 pola que se desenvolve o Decreto de 13/2022, de 3 de febreiro e que regula o proceso de admisión do alumnado en centros docentes sostidos con fondos públicos, o día 25 de abril de 2024 serán publicadas a listaxes provisionais do alumnado admitido e non admitido por curso e por orde de puntuación provisional obtida, no caso da necesidade de baremar.
As listas, segundo a normativa, publicaranse no taboleiro de anuncios do centro e estarán dispoñibles a través da aplicación informática www.edu.xunta.gal/admisionalumnado.
Poderase formular reclamación ante o consello escolar no prazo de 5 días hábiles contados a partir do seguintes ao da publicación das listaxes.
Estas reclamacións entenderanse estimadas ou desestimadas coa publicación da listaxe definitiva o 15 de maio de 2024. As persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.
O prazo para a formalización da matrícula é do 20 de xuño ao 30 de xuño de 2024 (ámbolos dous inclusive)
ADMISIÓN ALUMNADO.
Rematado o procedemento de reserva de postos escolares para o alumnado procedente dos centros adscritos (CEIP Juana de Vega e CEIP Plurilingüe da Rabadeira), informamos que os postos dispoñibles en 1º ESO no IES Miraflores para o curso escolar 2024-2025 son suficientes para atender todas as solicitudes presentadas en prazo.
FORMALIZACIÓN DA MATRÍCULA NO IES MIRAFLORES.
O prazo para formalizar a matrícula será publicado na páxina web do IES MIRAFLORES (a previsión é que sexa entre o 23 de xuño e o 7 de xullo de 2024)
Do 1 ao 20 de marzo de 2024 ábrese o prazo para a presentación de solicitudes de admisión en centros docentes sostidos con fondos públicos conforme coa Orde de 21 de outubro de 2022.
RESERVA NO CENTRO DE ADSCRICIÓN:
IES “MIRAFLORES”
Conforme co artigo 5.2 da orde do 21 de outubro de 2022 (DOG. Nº212 do 8 de novembro de 2022) pola que se regula o procedemento de admisión do alumnado en centro sostidos con fondos públicos o vindeiro 15 de xaneiro ábrese o prazo para a reserva de praza no IES Miraflores, instituto adscrito ao noso centro, para o alumnado de 6º de primaria.
Prazo de presentación de solicitudes de reserva:
Dende 15 de xaneiro ata o 5 de febreiro de 2024 (ambos incluídos)
Solicitudes:
Os modelos ED550A e o anexo I-bis estará dispoñibles a partir da data de inicio do prazo na aplicación admisionalumnado na sede electrónica da Xunta de Galicia, na secretaría do centro ou na nosa web: http://www.edu.xunta.gal/centros/ceiprabadeira/.
Forma de presentación
-Electrónicamente accedendo á aplicación informática admisiónalumnado (https://www.edu.xunta.gal/admisionalumnado) para o que ten que dispoñer de certificado dixital ou Chave 365.
-Presencialmente na secretaría do noso centro.
Publicación das listaxes definitivas de admitidos e non admitidos:
O 22 de febreiro
Documentación a presentar:
- Solicitude de reserva ED550A e anexo I-bis
- Copia do libro de familia ou documento equivalente onde figure o/a alumno/a e as persoas proxenitoras( outra documentación que acredite as circunstancias familiares)
Nota informativa:
So poderá presentarse unha solicitude por alumno/a.
Estamos de celebración
e o queremos festexar todos xuntos ao final do curso.
Deseño da imaxe: Gabriela Río, exalumna do centro
Organización entradas e saídas
Revisade durante estes días, no apartado da web "Avisos a familias", información que publicaremos con todas as novas e instrucións necesarias.
LISTAXES DEFINITIVAS DO COMEDOR ESCOLAR
Poden consultar no taboleiro do centro a listaxe definitiva de admitidos no comedor escolar 2023-2024. Infórmase que todas as familias que solicitaron este servizo están admitidas.
As familias interesadas nesta colaboración teñen toda a información na ligazón anterior. O venres, 8 de setembro, data límite para entregar o anexo cuberto en Secretaría.
TRANSPORTE ESCOLAR 2023/24
Todo o alumnado que solicitou transporte escolar para o vindeiro curso ten signada praza.
Alumnado de Ed. Infanil e de 1º e 2º de Ed. Primaria
TRANSPORTE ESCOLAR 23/24
Todo o alumnado que solicitou transporte escolar ata o día 7 de xullo de 2023 ten asignada a praza para o vindeiro curso.
COMEDOR ESCOLAR 23/24
Publicada no taboleiro do centro a listaxe provisional de admitidos no comedor escolar 2023-2024
Están suxeitos a exclusións nas listaxes definitivas os usuarios que non teñan xustificados todos os recibos pendentes do curso 2022-2023.
voluntarios do comedor escolar durante o curso 2023/2024.
Publicación de listaxe provisional de Fondo libros
Está publicada no taboleiro de anuncios do centro a listaxe provisional do fondo solidario de libros de texto e axudas para adquirir libros de texto e material escolar.
As persoas interesadas poderán reclamar nos dous días hábiles seguintes á publicación.
PRAZO PARA FORMALIZACIÓN DE MATRÍCULAS PARA O ALUMNADO DE NOVA ADMISIÓN CURSO 2023/24
Apertura prazo para solicitar servizos de COMEDOR e TRANSPORTE
Apertura de prazo para a participación no fondo solidario de libros de texto e axudas para adquirir libros de texto e material escolar.
PUBLICACIÓN LISTAXE DEFINITIVA DE ALUMNADO ADMITIDO E NON ADMITIDO CURSO 2023/2024
Convocatoria das axuda para o alumnado con necesidades específicas de apoio educativo para o curso académico 2023/2024 (BOE do 26/04/2023).
Prazo de presentación de solicitudes do 8 de maio de 2023 ao 20 de setembro de 2023 (ambos inclusive).
Convocatoria
Para máis información poden acceder á sede electrónico do Ministerio de Educación e Formación Profesional nos seguintes enlaces:
https://www.becaseducacion.gob.es/portada.html
https://sede.educacion.gob.es/portada.html
PUBLICACIÓN LISTAXE PROVISIONAL DE ALUMNADO. ADMISIÓN CURSO 2023/2024
Só é preciso entregar documentación para a baremación en 3º de Ed. Primaria e 6º de Ed.Primaria.
No resto dos cursos non é preciso entregar nada, dado que houbo menos solicitudes que prazas.
O 25 de abril publicarase a listaxe provisional de alumnado admitido no taboleiro de anuncios do centro.
PROCEDEMENTO DE ADMISIÓN DE ALUMNOS CURSO 2023/2024
PROCEDEMENTO DE ADMISIÓN DO ALUMNADO
NO CENTRO ADSCRITO CURSO 2023-24 IES MIRAFLORES
