Taboleiro
BENVIDA E LISTAXE DE MATERIAL 5º ED. PRIMARIA
Enviado por martinatrillo o Ven, 06/09/2024 - 13:26Bo día a todos e todas.
Quería darvos a benvida ao novo curso escolar 2024/2025, de novo como titora do curso de 5º de Educación primaria. Á espera de reunión, que teremos en Outubro, xa que agardarei a que me dean tódalas instrucións sobre Edixgal para poder transmitirvos a información máis completa, déixovos no enlace, en pdf, a listaxe inicial de material para este curso.
Para calquera dúbida, poderedes poñervos en contacto polo abalar, no que de seguido abrirei unha canle individual e privada para cada familia, como xa fixera o curso pasado, para que todos e todas poidades comunicarvos. Tamén podedes utilizar o meu correo electrónico, martinatrillo@edu.xunta.gal
VISITA DO APALPADOR O VINDEIRO XOVES, 19
Enviado por martinatrillo o Mar, 17/12/2019 - 17:54Grazas á mediación e organización da nosa ANPA Alén, o vindeiro xoves, 19 de decembro, recibiremos, tanto na Escola Infantil Municipal como no CEIP Praia de Quenxe, a visita do Apalpador, que traerá sorpresas para todas e todos e ao que poderemos entregar as cartas coas nosas peticións para este Nadal e o ano que entra.
Pola mañá irá pola Escola Infantil Municipal, arredor das 12:00h., e esperámolo no colexio para as 13:10h. aproximadamente. Tódalas crianzas do colexio o recibirán no ximnasio do colexio e lle darán as cartas coas súas peticións.
Tamén este xoves entregaremos os boletíns trimestrais.
Aproveitamos para lembrar que o venres deberedes traer ao festival as vosas tazas ou vasos reutilizables, para contribuir co propósito de residuo 0 que comezou este curso.
Moitas grazas a todos e todas, e un saúdo.
O ALUMNADO DE 4º FACENDO EXPERIMENTOS CIENTÍFICOS (con corrección de erros)
Enviado por martinatrillo o Mar, 22/10/2019 - 11:14Os rapaces e rapazas de 4º realizamos un experimento para simular unha erupción volcánica na nosa aula.
Valoramos se decorar ou non a botella por fóra con plastilina, para darlle máis realismo, pero ao final optamos por deixala destapada para ollar que sucedía dentro dela ao mesturar o vinagre co bicarbonato.
As fotos quitounas Ainoha Miranda coa tablet da profe.
Editamos as fotos con Kinemaster, que é unha APP moi sinxela de utilizar.
Na edición participou Ainoha Aroa Miranda, Helio e Araceli, porque comecei a edición para explicar como se utilizaba o programa.
Podedes acceder no seguinte enlace:
CIENCIAS NATURAIS E SOCIAIS 4º DE PRIMARIA
Enviado por martinatrillo o Mar, 15/10/2019 - 18:30
Publícase enlace a contidos de ciencias sociais e naturais para 4º de Educación Primaria.
https://www.symbaloo.com/mix/ccssccnn4%C2%BAprimaria
O APALPADOR VISITA O CEIP PRAIA DE QUENXE
Enviado por martinatrillo o Mér, 19/12/2018 - 23:18O APALPADOR VISITA O CEIP PRAIA DE QUENXE
Corcubión, redacción.
Hoxe, luns 19 de decembro de 2018, no CEIP Praia de Quenxe recibimos a visita do Apalpador.
Ataviado coa súa chaqueta e pantalón lixados de carbón, os seus grandes zapatóns e a súa boina, sen esquecer o seu saco, e, coma sempre, co seu grande e encantador sorriso, facía entrada no noso centro arredor das 13:00, onde foi recibido polo director do centro, para ir agardar, no ximnasio, a docentes e discentes.
Ás 13:10h, despois da volta do segundo recreo, todas as persoas habitantes do noso colexio subiamos para atender ao noso visitante.
Todos e todas entregamos as nosas cartas, por cursos.
Tamén recibimos regalos: uns caramelos e uns bonitos vasos reutilizables, que a partir de agora levaremos a tódolos festivais de forma que o noso cole terá un pouco menos de pegada ecolóxica.
Adxuntámosvos algunhas fotografías para que poidades comprobar que o pasamos en grande!!!
O CEIP PRAIA DE QUENXE EN NEGRO CONTRA A VIOLENCIA DE XÉNERO
Enviado por martinatrillo o Lun, 26/11/2018 - 13:56Os pasados xoves 22 e venres 23 de novembro, no noso centro tiveron lugar diversas actividades de concienciación contra a violencia de xénero:
Entre os dous días, todo o alumnado asistiu a un obradoiro no que se lles realizou a lectura de dous contos relacionados co tema. Unha das historias versaba sobre unha nena que quería ir soa, en barco, á lobeira. A xente dicíalle que precisaba de ter un mozo para levala... pero chegamos á conclusión de que todos e todas somos capaces de navegar sós, e a rapaza rematou vivindo nas illas...
Para complementar as historias, todos e todas elaboramos uns barquiños de papel, e cada barco leva a foto de un de nós. Quedaron preciosos!! Publicaremos as fotos cando volten xa enmarcados.
O venres, ás 13:15, tamén nos reunimos todo o colexio para ver uns videos sobre o tema, e puxemos camisetas, pulseiras e chapas con mensaxe.
Todo o persoal do colexio queremos berrar ben forte: VIOLENCIA, CERO!
Adxunto nos arquivos, publicamos algunhas fotos dos diversos eventos.
TRABALLOS DE CIENCIAS
Enviado por martinatrillo o Mar, 27/03/2018 - 11:09Publicamos aquí os traballos elaborados en ppt polo alumnado de 6º de primaria sobre os seres vivos, para que sirvan de axuda no estudio.
Un saúdo.
CORCUBIÓN E A SÚA COMARCA DURANTE A GUERRA DA INDEPENDENCIA
Enviado por martinatrillo o Xov, 09/11/2017 - 16:48O alumnado de 6º está neste momento investigando e estudiando sobre a guerra da independencia. Xurdiu un grande interese sobre o feito de que os soldados franceses acudisen a saquear estas terras. A petición súa, e por interese meu como mestra, publico enlaces coas páxinas que atopei con información de interese sobre o asunto.
http://gie1808a1814.tripod.com/hechos/corcu.htm
Aproveito para invitar a todos aqueles familiares que coñezqan datos sobre a época e queiran vir compartir os seus coñecementos co noso alumnado. Estaremos moi agradecidos.
![RSS - Taboleiro Distribuir contido](/centros/ceippraiaquenxe/misc/feed.png)