O pasado xoves, 31 de marzo, o alumnado de 6º de Primaria visitou o CEIP A Ponte para asistir a un Encontro coa autora, organizado pola Concellalía de Educación do Concello de Ourense. Neste caso foi Érica Esmorís a protagonista, autora de "Nena e o mar". A autora, ademais de contarnos a súa vida, gustos, afeccións... explicou o proceso que segue para escribir un libro, a idea que xerou "Nena e o mar" e desvelou detalles moi interesantes para entender a historia. Contestou a moitas cuestións que o alumnado lle preguntou e asinou os libros de todos e cada un dos lectores.
Queremos agradecer ao alumnado de 6º, ao profesorado e ao equipo directivo do CEIP A Ponte, o excelente trato que recibimos.
Máis fotos, nesta galería...
