Igualdade - IGUÁLA-T

oxe, martes 30 de xaneiro, a conselleira de Promoción de Emprego e Igualdade, Elena Rivo, acompañada da directora xeral de Ordenación e Innovación Educativa, Judith Fernández, xunto con outras autoridades, visitou o noso centro para poñer de relevo a importancia do Plan Proxecta - Donas de si como unha serie de accións sensibilizadoras entre o alumnado do papel relevante da muller galega na sociedade actual.

Despois de visitar algunhas instalacións do centro e comprobar como a igualdade é un contido transversal que traballamos no centro, con produtos que se van incorporando aos diversos corredores (A muller máis importante para min é...; O mural Donas de sí adicado a Maruja Mallo; exposicións de libros da biblioteca inclusiva...) , dirixiuse á biblioteca, onde catro alumnos/as de sexto de primaria contaron o conto"Vivan las uñas de colores" a alumnado de primeiro de primaria e ás propias autoridades. O alumnado disfrutou do excelente traballo dos contacontos e a sesión foi moi produtiva.

Queremos agracecer ás autoridades o seu interese polo traballo que se está a desenvolver no centro neste aspecto e todos os membros da comunidade educativa pola súa implicación e colaboración

.

Álbum: Curso 2023-24 -> Donas_de_si_actividade

Durante estes días, para conmemorar o 8 de marzo, Día Internacional da Muller, o alumnado do noso centro traballou nas clases temas de igualdade entre homes e mulleres. Ademais, desde Nadal, estamos a desenvolver un proxecto de estudo do noso barrio chamado "A nosa contorna".

Unindo ambos proxectos, visitounos a atleta ourensá Marta Míguez, campioa de España de lanzamento de xabalina e primeira española nesta especialidade atlética que participou nos Xogos Olímpicos da XXVII Olimpíada celebrada en Sidney (Australia) no ano 2000.

Todo o alumnado do colexio participou nunha conferencia adaptada ao seu nivel na que Marta contou os seus inicios no mundo do deporte, a importancia do deporte para coidar ben o noso corpo e a nosa mente, a súa experiencia no deporte de alta competición, as diferenzas e semellanzas na súa especialidade atlética entre os homes e as mulleres, contou anécdotas das competicións internacionais nas que participou... Mostrou a súa xabalina; as botas con tacos adiante e atrás, tan importantes para transmitir á lanza toda a potencia do lanzamento; as diferentes prendas deportivas que empregou nos mitins internacionais...

O alumnado seguiu as charlas con moito interese e, ao final, Marta aclarou todas súas dúbidas e curiosidades.

Queremos agradecer a Marta Míguez a súa disposición e colaboración co centro. Foi unha extraordinaria experiencia!