O día 28 de abril os alumnos de cuarto curso asistiron a unha audición moi especial na aula de música do noso colexio. Ata aquí se achegaron os profesores do CMUS de Ourense D. Antonio Caneda, D. Pablo Doval e o antigo alumno D. Ricardo Filgueira para ilustrar o desenvolvemento da unidade Os instrumentos de vento metal.
A través do conto musicado Un paseo coa familia de vento metal grave os mestres sorprenderon aos nenos cunha selección de temas coñecidos do mundo do cine interpretados con sabia mestría cos seus instrumentos: bombardino, trombón e tuba.
Os alumnos participaron activamente na actividade e descubriron as posibilidades sonoras dos instrumentos presentados.
