Este curso, o noso Entroido tivo un carácter viaxeiro. Un dos elementos fundamentais no noso barrio, que lle dá vida propia e que o vertebra, é a estación de ferrocarril, agora convertida nunha estación intermodal. De aquí parten moitas persoas de Ourense a destinos insospeitados.
Durante a semana previa ao Entroido, o MECO foi dando instrucións diarias para que nos fósemos equipando convenientemente para a viaxe final.
O venres, cada curso representou unha das tantas culturas do mundo e, encabezados polo grupo de sexto que preparou unha batucada e conducidos até a saída da "estación" polo persoal de Adif e RENFE, desfilaron mostrando un mosaico de cores e formas do máis variado e lucido. Logo houbo baile e... a disfrutar do Entroido!
Unha mostra da saída dos participantes no desfile pódese ver nestas ligazóns:
