A nosa chave

O SAMAÍN - UXÍA LAMBONA E A SÚA BANDA MOLONA

Sáb, 09/10/2021 - 23:45 — robertofaou

Este Samaín imolo a cantar e bailar ao ritmo que nos marca o grupo musical "Uxía Lambona e a súa banda molona". Aquí vos deixamos o video musical da canción titulada "O Samaín" para que poidades cantar e bailar sen parar.

Feliz e "terrorífico" SAMAÏN!!!!!.

ENTREGA PREMIOS VIII CONCURSO DE FOTOGRAFÍA

Sáb, 19/06/2021 - 12:28 — robertofaou

Deixámovos aquí as fotos das entregas de premios (adaptadas aos protocolos COVID 19) do VIII concurso de fotografía "ANIMAIS DE GALICIA - ANIMAIS SALVAXES" organizado polo equipo de Dinamización da lingua Galega do centro.

REVISTA ESCOLAR "A BUXAINA" CURSO 2020 21

Xov, 10/06/2021 - 12:13 — robertofaou

Aquí vos deixamos a edición dixital da Revista escolar "A Buxaina". Como ben sabedes está elaborada cos traballos realizados polo alumnado ao longo deste curso escolar 2020 21.

Revista escolar "A Buxaina" curso 2020 21

Esperamos que vos guste.

MURAIS XELA ARIAS - LETRAS GALEGAS 2021

Mar, 01/06/2021 - 00:25 — robertofaou

Na semana das LETRAS GALEGAS, as aulas de Educación infantil do centro elaboraron cadanseu mural coa imaxe de Xela Arias para recordar a figura da poeta galega.

Se premedes no seguinte debuxo da autora elaborado por un alumno do centro accederedes a unha galería de CÓDIGOS QR baixo os que están aloxados os distintos murais de cada aula (para ver os murais só tedes que escanealos cun dispositivo móbil e seguir o enlace).

Seguro que vos parecen verdadeiras obras de arte.

NON TE AMOLA!

Dom, 30/05/2021 - 18:36 — robertofaou

Nas datas previas ao día das Letras Galegas traballamos nas aulas o libro inédito de Xela Arias "NON TE AMOLA!" publicado pola editorial Galaxia. Cada unha das aulas de educación primaria do centro reilustrou (no orixinal ilustrados por Luz Beloso) un capìtulo do libro e fixo un resumo do mesmo...

Así quedou a nosa adaptación de "NON TE AMOLA!".

Non Te Amola!

Publish at Calameo

Tamén podedes acceder aos distintos capitulos de libro de maneira individual a través da seguinte galería de CÓDIGOS QR (só tedes que escanealos cun dispositivo móbil e seguir o enlace).

Esperamos que vos agrade.

RECOLLEITA TOPONIMIA 2021

Mar, 25/05/2021 - 00:34 — robertofaou

Aquí podedes consultar os topóminos recollidos polo alumnado de sexto de educación primaria ao longo deste curso escolar.

Na táboa na que se presentan está recolliido o propio topónimo, o lugar de recollida, unha pequena descripción aportada polo alumnado e o posible significado do topónimo (coa súa orixe probable) segundo as fontes consultadas (manuais, estudos de toponímia, diferentes webs especializadas...).

Esperamos que sexa de utilidade.